Lon og don
eða Lundúnir er staður sem við hjónin ætlum að heimsækja í byrjun nóvember. Ekki leiðinlegt það ! Gummi er að fara á námskeið á fimmtudeginum og föstudeginum, ég ætla að koma á föstudeginum og við ætlum að eyða helginni saman. Vei vei, erum búin að panta okkur miða á Mamma Mía Abba söngleikinn, og hlökkum rosalega til.

Annars voru mamma og pabbi að tilkynna komu sína aðra helgina í nóvember. Þau fengu 18 kr miða með Icelandexpress. Þau stoppa reyndar stutt, verða frá föstudegi fram á mánudag. En það verður gaman að fá þau. Kannski getum við platað þau til að koma með matarkex.......það rokkar á þessu heimili ;-)

Útilegan
stóð sko alveg fyrir sínu. Við lögðum af stað um hádegisleitið í bongóblíðu. Blíðan hélst bara alveg allan tímann og það var sko mikið stuð. Það var sundlaug sem var punkturinn yfir i-ið. Nammi nammi gott að kæla sig niður. En förunautar okkar voru ekki af verri endanum þau María, Pálmar og Emilía sem voru okkur til halds og traust í næsta tjaldi. Þetta tjaldsvæði fær 5 stjörnur, og þá sérstaklega fyrir góða veðrið.

En þið hin sem lesið bloggið og trallið aldrei, skamm skamm. Þið fáið mínus stjörnur. Það er góður siður að kvitta fyrir sig. Humm og ha.

Sumar sól og strönd
er líklega það eina sem er að frétta héðan. Ansi huggulegt það. Það er búið að vera 28°hiti og sól alla daga. Loksins kom sumarið. Ströndin "okkar" er í 15 mín hjólafjarlægð og við höfum óspart nýtt okkur það. Erum búin að vera hitta vini okkar á ströndinni til að grilla kjöt og grilla okkur. Frekar huggó. Strákunum finnst þetta líka algerlega toppurinn að fara og striplast, hlaupa í vatnið og svona.
Annars eru nokkrar strendur hérna og þær eru mjög misjafnar, ströndin "okkar" er samt eiginilega svolítil unglingaströnd, allir eru einhvernvegin í vitlausum hlutföllum -lesis of mjóir- tala rosalega mikið í gsm og eru greinilega að reyna að hözzla. Þar eru engin börn, bara unglingar. -Unglingar eru líka fólk- En á hinum ströndunum er meira svona fólk sem er í réttum hlutföllum -eins og ég- þar er líka fullt af börnum. Mér líst eiginlega betur á þær, en er hinsvegar of löt til að keyra eitthvað lengra. Þannig að ég læt mig hafa það að vera eins og fíll í postulínsbúð. Það er nefnilega það !

Annars er planið um helgina að gera eitthvað skemmtilegt, við erum að fara í matarboð í kvöld og við getum vonandi platað Gumma til að koma í útilegu með okkur á morgun. En hann er búin að lofa sér í eitthvað "fælles" dæmi hérna út á róló. Helv*** danirnir og fælles þetta og hitt. Óþolandi, nei djók, það er verið að byggja róló og allir verða að hjálpast að !!!!

Síðustu gestir sumarsins
eru að fara og það er óhætt að segja að það er búið að vera feikna fjör. Dilek vinkona hans Gumma er mögnuð manneskja, hún kom 19 ára frá Tyrklandi til Þýskalands til að læra stærðfræði. Hún er semsagt búin að vera 18 ár í þýskalandi komin með masterspróf í stærðfræði, vinnur við telecominternet eitthvað sem ég skil ekki, er gift honum Jan sem er ph.d í stjarneðlisfræði og snilldar maður-kokkur-pabbi, býr í Frankfurt og er bara lukkuleg með þetta allt saman. En Dilek hefur þurft að hafa rosalega fyrir öllu, hún hefur sjálf fjármagnað námið, unnið eins og berserkur á börum og öðrum skítabúllum. Hrikalega dugleg og sterk kona. Það er áhugavert að kynnast fólki sem hefur svona mikið lifað og reynt.

En þau hjónin eru semsagt að fara í dag, eftir mikila hátíð í gær því að Dilek átti afmæli og Jan eldaði 3ja rétta máltíð sem sló Ala Tóta alveg út úr keppninni. Ansans........... En þau eru síðustu gestir sumarsins og núna er bara gymmið, ströndin og undirbúningur fyrir sumarpróf. Jey ! Það er svo gaman að þurfa að lesa fyrir próf í 25° hita. Jibbý

Blýfluga, blýfluga
æpti Einar úti í garði í gær. Þeir eru skíthræddir við þessi kvikindi sem eru öll að koma á kreik eftir að sólin fór að skína. En við erum ánægð með sólina, kannski ekki eins ánægð með flugurnar en það rakinn úti er að drepa okkur, úff og púff.

Ja bitte takk for det
er eitthvað svona týpiskt núna þessa dagana. Það eru 5 tungumál í gangi á heimilinu núna. Íslenska, þýska, danska, tyrkneska og enska. Jan, Dilek og Jonah eru heimsókn frá Frankfurt. Hrikalega gaman. Það er líka gaman að finna að þýskan er þarna einhverstaðar og eftir að hafa verið með þeim í 2 daga var ég farin að tala þýsku út í búð. Sem er nú kannski ekkert svo sniðugt ! En veðrið er búið að leika við okkur og þetta er allt eins og best verður á kosið. Góður matur, margir brandarar og fullt af rauðvíni. Hvað er hægt að biðja um meira.

Gleðilega verslunarmannahelgi allir saman og ekki gera neitt heimskulegt.

Fyndir bræður
hérna á Flintebakken.  Þeir eru svo ólíkir að það er engu lagi líkt. 
Einar er svona traust og örugg týpa sem alveg er hægt að treysta, hann fer ekki út fyrir hverfið og alls ekki þangað sem búið er að banna honum að fara.  Hann er lengi að kynnast krökkum og fer varlega yfir.
Guðni hinsvegar er þvílíka frekjan, reyndar lítur hann rosalega upp til stóra bróðurs sem er duglegur að leggja honum lífsreglurnar, en yfirleitt er hann algert SKASS.  En hann er sjarmerandi skass, það er sko alveg á hreinu.  Hann er búin að kynnast öllu hverfinu og er búin að koma sér í mjúkin hjá flestum og fer og sníkir sér nammi. -Á meðan stóri bróðir horfir á bakvið hann-  En þeir eru krútt, mestu krútt sem ég veit um.  Það er nú bara þannig !

En annars er það að frétta að Þóra bekkjasystir mín úr Kennó er að flytja hingað og hún fékk að sofa hérna í nótt með börnunum sínum 2.  Hún á strák sem heitir Hjalti en hann er 3ja ára og stelpu sem heitir Arna en hún er 1 1/2 árs.  Við Einar Kári "pössuðum" Hjalta í dag, fórum með hann á róló og svona.  Einar var ekkert smá ánægður með þetta.  Svo á morgun ætla ég að leyfa Guðna að fara snemma heim úr leikskólanum til að "passa" Hjalta.  Ægilega fínt.

En mig langar að óska stöllum mínum hérna í Århús til hamingju með að hafa komist inn í Háskólann hérna.  Þið rokkið stelpur !!!!! Girl power.

Bergdís og Birta eru farnar
eftir eftirminnilega daga og það var æðislega gaman að hafa þær.  Við vorum bara í sama pakkanum og allir hinir gestirnir sem eru með börn, en það er róló og aftur róló.  Þær mæðgur eru samt ævintýramæðgur. 
Í fyrsta lagi var Halli maðurinn hennar Bergdísar að selja veiðistöng á ebay, sem er nú ekki í frásögufærandi nema að gaurinn sem keypti veiðistöngina býr í 10 mín fjarlægð frá okkur !!!! Furðuleg tilviljun, en þetta var heimsent í bókstaflegri merkingu.  Svo voru þær mægður næstum því búnar að missa af fluginu hingað til Danmerkur og svo aftur heim til Íslands....Hvað er það ! Bergdís er nefnilega flugfreyja og ætti að vita hvernig þetta gengur fyrir sig.  En svona er þetta, mar getur ekki verið fullkominn.

En annars höfum við það bara gott, bíðum eftir næstu gestum.  En Jan og Dilek þýskuvinir okkar sem við misstum af brúðkaupinu hjá -fórum í staðin til London- eru að koma um helgina og ef ég þekki þau rétt þá verður ekkert slakað á í drykkjunni ! Humm.  Say no more........

Spiderman.
varð fyrir valinu í gær þegar við ákváðum að fara í bíó.  Einar Kári varð reyndar svolítið hræddur við skrímslið...en það var ekkert annað í boði, þannig að.  Hann er voðalega ánægður núna að hafa farið og talar mikið um hvað þetta hafi verið skemmtileg mynd.
Ég fór og keypti 2 hjól handa Guðna, hann kemst svo hægt yfir á þríhjólinu sínu og á erfitt með að fylgja krökkunum, þannig að við sjáum hvort að þetta virki fyrir hann.  Annars eru krakkar hérna í danmörku ótrúlega fljót að læra að hjóla án hjálpadekkja, stelpan í næsta húsi sem er jafngömul Einari fór að hjóla án hjálpardekkja daginn sem hún varð 3ja.  Sé það kannski ekki alveg gerast hérna en..................sjáum til

 

Ástralíubúarnir
sem eru búnir að vera í heimsókn hafa verið okkur til mikillar gleði og ánægju.  Það er gaman að hafa góða gesti.  Við erum búin að sýna þeim það helsta sem Århús hefur upp á að bjóða, s.s miðbæinn og kanínuróló.  Enda er meginþorri gestanna á aldrinum 6 mánaða til 6 ára.  Þannig að þær skoðunarferðir sem farnar hefa verið hafa fallið vel í kramið hjá þeim. 
 
Svo kemur Bergdís bekkjó á miðvikudaginn, kannski maður nái að skipta á gestarúminu og renna yfir gólfin áður en að næstu flöskur verða teigaðar.  Jamm og já, nóg að gera !

Sælir foreldrar, sæl börn
sem komu heim í dag.  Við strákarnir fórum niður í bæ á kanínuróló og þangað kom Gummi og kom hitti okkur og við ákáðum að fara niður í bæ og fá okkur að borða.  Ítalía varð fyrir valinu ekki í fyrsta sinn, umm æðislegur maturinn þarna.
 
En í fréttum er það helst að sumarið kemur á mánudaginn eftir mesta rigningar Júní í 10 ár.  Það er spáð 25° hita, ekki leiðinlegt það.  Sérstaklega þar sem Ástralíubúarnir eru að koma í heimsókn á morgun og verða fram á þriðjudag.  Bergdís bekkjasystir mín úr Kennó og dóttir hennar Birta koma svo á miðvikudaginn og verða fram á sunnudag.  Þannig að það verður nóg að gera og stanslaust stuð. JEY !

Gaman saman í sumarfríi
hérna í Århús, við erum öll ægilega mikilir vinir og það er rosalega gaman hjá okkur. Núna kemur kannski líka aðeins í ljós hvað við vorum öll strekt og ílla fyrirkölluð fyrst þegar við fluttum, en núna gegnur allt eins og í sögu.......... bara gleði. Erum á róló, förum í heimsóknir, kíkjum í tívolí og allir eru kátir.
Þeir eru fyndnir þessir drengir mínir......alger himnasending eins og ein vinkona mín kallar alltaf börnin sín.

Sumarfríið
er byrjað og ef það verður eins og fyrsti dagurinn sem var í gær þá hef ég engu að kvíða. Góðir hlutir fóru reyndar ekki að gerast fyrr en ég hafði hótað Einari Kára að fara með hann aftur á leikskólann ef hann myndi ekki hætta að berja bróður sinn. Það svínvirkaði. Við erum búin að breyta svefninum aðeins þannig að þeir vakna 8 á morgnana í stað 6, sem er auðvitað draumur í dós, svo leggjum við okkur öll í hádeginu og svona huggó. Við fórum á Kanínuróló í gær og það var æði. Vonandi verður allt fríið svona æði, en næstu gestir detta inn á laugardaginn.

Takk fyrir brúðkaupsafmæliskveðjurnar, en ég er sannfærð um að ég er mjög vel gift. Þegar við strákarnir komum heim í gær var Gummi búin að þrífa alla efri hæðina, skipta á rúmunum og alles. Algerlega til fyrirmyndar í alla staði.

Það var líka svolítið fyndið í gær, strákarnir voru komnir inn í rúm og Guðni sofnaði á undan Einari. -yfirleitt er það öfugt- Einar kallaði fram til okkar ; ég get ekki sofið það eru svo mikil hljóð hérna inni ! Gummi fór og kíkti inn í herbergi, en þar lá Guðni og hraut svona hressilega. Einar; ég get bara ekki sofið, Guðni er með svo óhugguleg hljoð. Við brjáluðumst úr hlátri og buðum honum að liggja í okkar rúmi en þar sofnaði hann eftir 2 mín. Krúttó.

Brúðkaupsafmæli
var hjá okkur í gær. Við erum búin að vera gift í 4 ár. Jey gaman gaman. Það voru ekki mikil hátíðarhöld en okkur var boðið í mat upp í Hadsten til Einars Baldvins frænda. Það var auðvitað alltaf huggó að vera boðið í mat og svona.
En annars er frekar tíðindalaust hérna, veðrið er ekki alveg að sýna sínar bestu hliðar þannig að.......... en við þraukum.
Ég er heima með strákana næstu 2 vikur að láta tímann líða án þess að þeir berji hvern annann til óbóta. Gaman að því.

Djamm
var á okkur hjónunum á þriðjudagskvöldið, ægilega gaman. Drukkum 1 hvítvín, opnuðum rauðvín, reyktum sígarettur og hringdum til Íslands. Ferlega sniðugt, nema að klukkan var 19 hérna í Dk og þ.a.l 17 á Íslandi og auðvitað allir í vinnunni. En við náðum að tala við nokkra, felstir voru auðvitað ekki heima. En við skemmtum okkur ægilega vel. Sofnuðum um 10 leytið og vöknuðum hress daginn eftir.

Annars eru strákarnir að byrja í fríi á mánudaginn og verða í 2ja vikna fríi. Ég auglýsi eftir einhverjum til að koma hingað og hanga með mér á rólóum bæjarinns. Það er nefnilega svo ægilega leiðinlegt að haga yfir þeim ein, þó yndislegir séu.

Sumarið ætlar bara ekkert að koma hingað til DK, þetta er nú meiri leiðindin en svona er þetta !!! Ég kem nú allavegana einhverju í verk hérna heima á meðan ég hangi ekki úti í sólinni. Er búin að taka til í geymslunni og alles. Júhú eins og Guðni segir títt þegar eitthvað sniðugt bera á góma.

Nenni ekki að vera hjón !
sagði Einar á laugardaginn en þá fórum við í brúðkaupið sem gestirnir okkar voru í. Við ákváðum að stelast og fá að vera með bara svona til að fá smá fíling ! En það var ofboðslega falleg athöfn sem haldin var í lítilli kikju hérna í Århus. Ég leyfði Einari Kára að koma með mér, hélt kannski að hann hefði eitthvað gaman að þessu. En sennilega er þetta frekar eitthvað stelpuatriði ! En þegar tölvuvert var liðið á athöfnina þá sagði Einar Kári við mig frekar hátt ;"mamma ég nenni ekki að vera hjón, komum" mér fannst þetta náttl svo brjálæðislega fyndið að ég varð að laumast út með drenginn og biðum við þar eftir fólkinu.

Gestirnir farnir
og við sitjum eftir sátt með góðar minningar og nýja vini. Ekki amalegt það ! En veðrið hérna í Århus er ekkert að skána og gengur á með rigningu og vitleysu. Uss og fuss ég skil bara ekkert í þessu. En svona er þetta nú.

Senn líður nú að 4ra ára brúðkaupsafmæli okkar hjóna og Gummi kom með gjöf handa mér svona smá fyrirfram um daginn. Hann kom með ævisögu Hillary Clinton og ég get ekki beðið með að sökkva mér í hana. Best væri ef núna kæmi stekjandi hiti og sól, algjört nammi veður þannig að ég gæti legið úti í garði og haft það huggó ! Bíðum og sjáum, bíðum og sjáum.

Gestir gestir
alltaf gaman að hafa góða gesti ! Óli Boggi, Hulda, Hanna Sigga og Katrín Svava dóttir Hönnu Siggu eru hérna í heimsókn. Það er búið að bralla margt eins og.......

*drekka marga bjóra
*Fara niður í bæ.
*Setjast á kaffihús.
*Upplifa þrumur.
*Heimsækja Karítas sem er líka eyjapæja.
*Elda saman æðislega góðan mat.
*Hlægja alveg rosalega mikið.
*Vera með harðsperrur í maganum af því að þetta er allt svo sniðug!
*Versla í H&M

Eins og þið sjáið er margt að gerast. Vestmanneyjingarnir eru svo að fara í brúðkaup og það verður örugglega mjög gaman hjá þeim.

Oh það er svooooooooooo gaman að hafa gesti.

Útilegan
um helgina var blaut og köld. Alveg svona íslensk stemning *burr*. En við keyrðum niður á Langeland og hittum þar Gunna og Þórörnu með krakkana. Það er rosalega fallegt þarna á Langaland en það er eyja sem er fyrir neðan Fjón -sem er eyjan á milli Sjálands (þar sem köben er) og Jótlands (þar sem við búum) umhverfið á eyjunni er ekki líkt neinu sem við höfum áður séð. Ótrúlega gaman að sjá þetta og upplifa. En ef það fer ekki að verða betra veður hérna í DK þá nennum við sko ekki í fleirri útilegur. Það er alveg á hreinu. Tjaldið okkar nýja og græjurnar sem tengdó gáfu okkur stóðu sig með stakri prýði og það var gaman að víga allt dótið. Krakkarnir skemmtu sér vel og við drukkum mikin bjór. Gaman að því ! Komum heim á sunndaginn þreytt og lúin en æðislega ánægð með helgina.

Talvan krassaði endanlega og það var einhver tölvugæji sem straujaði diskinn og þetta er bara eins og nýtt tæki. Það skýrir bloggleysið en einhver Smári kvartaði undan því í tralli í síðustu færslu ! Mig grunar nú að þetta sé María sem þorir ekki að skrifa undir nafni af því að hún er svo blogglöt ! Humm.

Ég tók mig til í dag og byrjaði að mála gestaherbergið. Ég er ægilega ánægð með það, þetta var farið að pirra mig mega mikið hvað veggirnir voru ógeðslegir. En næstu gestir detta inn á fimmtudagskvöldi þannig að það er eins gott að allt sé spikk og span.

Biss dann !

Góðar fréttir
Vorum að selja Opelinn okkar. Við erum ægilega ángæð með það, ekki það að við höfum fengið eitthvað mikið fyrir hann en við erum bara fegin að vera laus við hann. Smá minna til að hafa áhyggjur af ;-)

En við erum á fullu að undirbúa okkur fyrir útiLEGUNA sem við erum að fara í á morgun. Erum að fara hitta Gunna og Þórörnu sem koma frá Köben. Hérna eru herlegheitin ef þið viljið kíkja og sjá hvað við eigum eftir að skemmta okkur vel !

Tölvupikkless
í gangi hérna á Flintebakken,við erum ekki kát með það. Ég er að uppgvötva hvað ég er háð netinu en ég kemst á það svona 5 mínutur í senn. Ekki sniðugt ! Þarf að plata Grétar nágranna minn í heimsókn til að sjá hvað er að.........
En ég er allavegana búin að skrifa mörg blogg sem hafa bara horfið púff og líka emailin ! Arg og garg. Ekki sniðugt.

Guðni fór í heyrnarmælingu í gær og þau héldu ekki vatni yfir honum þar, það er semsagt búið að útiloka það í milljónasta skipti að krakkinn heyri ílla. Hann er bara seinn til máls............ ótrúlega seinn. En það eru margir í fjölskyldunum hans líka þannig að... ekkert hættulegt held ég. En þau vildu gefa honum 6 mánuði í viðbót áður en eitthvað verður gert.

Danir "unnu" fótboltan í gær en þeir þurftu 2-2 jafntefli til að komast áfram. Gummi fór og horfði á hann í góðum félagsskap með íslensku strákunum á kollegie hérna rétt hjá. Gummi er meira að segja búin að kaupa sér landsliðstreyju þannig að núna er honum ekkert að vandbúnaði. Go denmark !!!!

Reyni að redda þessum tölvumálum, agalegt að vera sambandslaus við umheiminn.

Partý og útskrift !
Soffía frænka mín, dóttir Einars Balvins var að útskrifast sem stúdent. Hérna í danmörku er það ægilega mikið húllum hæ sem fylgir þessum tímamótum. Ekkert minni gleði en heim á Íslandi heldur bara öðruvísi.
Allavegana þá var ég á fimmtudaginn að hjálpa Heiðbrá að taka á móti öllum krökkunum úr bekknum hennar en þau keyra á milli heimila á stórum pallbíl, þiggja veitingar í fljótandi formi, eru í svona 20 mín á hverjum stað og halda svo áfram. Æðislega sniðugt og skemmtilegt. En ég fékk semsagt að vera að hjálpa til, við buðum upp á heitt kakó og Stroh *namminamm* og ég held bara að krakkarnir hafi verið hrifnir af því. En þau voru svo prúð, sæt og skemmtileg. Frábært, en við tókum á móti þeim um 11 leytið, mér skilst að eftir 25 heimsóknir hafi þau verið ansi "hress" mörg þeirra. Enda ekki kurteisi að neita veitingum ! Humm.
En í dag var svo útskriftarveislan hennar, það var æðislega gaman. Strákarnir voru í essinu sínu, eins og alltaf heima hjá þeim. Veitingarnar voru frábærar og Soffía var æðislega ánægð með þetta allt saman. Og þá er jú tilgangnum náð ! ´ik.

Við vorum með partý í gær, eða sko partý á Einars Kára mælikvarða, alltaf þegar fleirri en 7 eru saman komnir þá er partý ! En ekki hvað. Anyways, María, Pálmar, Salka, Júlli, Logi og Emilía komu í mat. Karlarnir horfðu á fótbolta og pössuðu börnin á efri hæðinni en við sátum og kjöftuðum. Ekki slæmt það. Fínt að hafa góða barnapíur ! Og þá er ég ekki að meina fótbolta. HEHEHE

Sumarskemmtun
á leikskólanum hans Einars Kára í gær. Það var voðalega gaman, fullt af leikjum og tækjum. Verðlaun og alles. Grillaðar pulsur og bjór !!! í boði. Ægilega huggó ! En Einar fór mjög ánægður í leikskólann í gær, mamma hans er nefnilega ekki eins skemmtileg og hann minnti. Engar pitsur í hádeginu og ekkert kók. Bara þrif og leiðindi ! Þannig þegar kl var um 3 var hann farinn að biðja mig um að fara með hann í leikskólann ! Jáhá, ég er greinilega ekki nógu skemmtileg. Ekkert að því, það hefur enginn krakki gott af því að hanga með mömmu sinni allann daginn, og hana nú !
Annars hef ég það bara hugggó, er að dúlla mér hérna heima. Fór reyndar á kaffihús með Kareninu nágranna með meiru. Gaman að því.

Gestirnir farnir !
þau fóru í gær og það er ekki laust við að það sé hálftómlegt í kofanum ! En svona er nú lífið. Við kíktum til Hadsten og sátum þar í sól og steikjandi hita, sleiktum ís, drukkum kaffi og höfðum það huggó. Einar Baldvin hafði frá mörgu að segja en hann var að koma frá Íslandi þar sem hann var með fyrirlestur sem sló í gegn. Alltaf gaman að heyra slúður að heiman ;-)

Núna erum við Einar Kári heima að þrífa og taka til. Það þarf víst líka að gera það. Enda haugdrullugt allt hérna, ojbjakk. Ég leyfði Einari að vera heima í dag afþví að hann er ekkert allt of sáttur í leikskólanum og ég er að hugsa um að leyfa honum að vera heima með mér 1-2 daga í viku þangað til að honum líður betur. Hann er ekki búin að fatta að tala dönsku og því hefur hann ekki tengst neinum krökkum ennþá. Hann talar mikið um að hann vill ekki fara í leikskólann og svona. Því erum við búin að ákveða að gefa honum bara aðeins lengri tíma. Það er nú bara þannig. Elsku karlinn, en við erum búin að sækja um nýjan leikskóla sem er hérna rétthjá, þar eru krakkarnir sem búa hérna í raðhúsunum í kringum okkur og ég held að það verði styrkur fyrir hann að hafa einhvern sem hann þekkir. En þangað til......... anda rólega og muna að góðir hlutir gerast hægt !

Jensens Böfhus
er fínn staður til að fara með börn á en þangað fórum við í boði tengdó í kvöld. Strákarnir stóðu sig eins og hetjur og voru miklir herramenn allan tímann. Það er svo gaman hvað þeir eru duglegir að bíða eftir matnum og borða og svona.
En á morgun ætlum við að fara í Jespershús sem er blómagarður hérna á Jótlandi. Það verður vonandi gaman. Það var þvílíkt úrhelli í dag með þrumum og alles, vonandi sleppum við við svoleiðis rugl.
Annars notum við tækifærið úr því að við erum með gesti og fórum í heimsókn til Karenar og Grétars. Þau eru greyin í prófum og eru ansi framlág. Aumingja þau, ég get nú samt ekki annað en hugsað um að þetta er einmitt það sem ég er búin að velja mér að gera næstu árin. Sitja og lesa undir próf í Júní ! Æði ! Not.

Það eru komnar nýjar myndir inn á myndasíðuna. Enjoy !

Æðsti draumur hans Einars
fyrir utan þennan sem hann á um að safna peningum fyrir hjóli handa Guðna, er að fá að sækja Guðna í leikskólann. Alltaf þegar Guðni er eitthvað súr og ílla upplagður á morgnana þá segir Einar við mig; veistu mamma ef þú myndir lofa mér að sækja hann í dag þá verður hann svo glaður. Það væri nú ljúft ef þetta væri raunhæft, við gætum smurt samlokur handa þeim og skellt okkur til Köben. Það væri nú ljúft. En ég held að við þurfum að bíða aðeins með það, Einar er jú ekki nema 4ra ára !

Allir að græða
þessa dagana, en þó aðallega við hérna á Flintebakken. Við erum nefnilega með ömmu og afa í heimsókn og það er nú engin smá gróði skal ég segja ykkur. Strákunum finnst æðislega gaman að hafa ömmu og afa í heimsókn og okkur líka. Þau eru búin að leigja sér bíl og eru búin að rúnta sér til skemmtunar. Gaman að því. Svo fórum við í allsherjar innkaupaleiðangur þar sem þau splæstu á okkur útileigugræjum, þvílíkt flottum. Vá við erum alveg í skýjunum !
En annars er lítið að frétta, það er bara alltaf sól og sumar og við erum alltaf ægilega ánægð með þetta allt saman.

Kanínuróló
rokkar hjá okkur hérna á Flintebakken. Við hjóluðum þangað í morgun og við hjónin sátum á bekk á meðan strákarnir skúnkuðust ! Huggó.
Allt í einu segir Gummi við mig ; veistu hvernig maður segir, komdu og sestu á bekkinn ?
Ég; segir maður ekki, kom og set på bænken eða eitthvað svoleiðis !
Gummi ; Nei maður segir nefnilega, kom og se på gederne !
Ég ; Nei það þýðir komdu og sjáðu geiturnar, hvernig datt þér í hug að það þýddi að setjast á bekkinn ?
Gummi ; Sko málið var að ég heyrði 2 í röð segja þetta, svo settust þeir á bekkinn ! Mér datt ekki annað í hug en að það þýddi þetta með bekkinn sko !

Kýr skýr ! Sniðugur strákur hann Gummi, leggur svo fínt saman 2+2. Af lyktinni í eldhúsinu er ekkert að frétta, eða sko svona engar fréttir eru góðar fréttir. Ergó = hún er ekki lengur til staðar ! *heldég*

Fýla
inni í eldhúsinu er að drepa mig. Ég finn ekki hvaðan hún kemur. Ég segi ekki að ég hafi verið sveitt að leita að sökudolgnum, ég er frekar búin að sitja sveitt úti í sólinni að steikja mig. Hvað á ég að gera ;

A. Láta eins og ég viti ekki af þessu og halda áfram í sólbaði -er að lesa frábæra bók og hef það huggó.

B. Drulla mér inn að þrífa og taka til.

C. Reyna finna upptök fýlunar og fara síðan í sólbað.

D. Kaupa mér þrifkonu og liggja í sólbaði á meðan hún þrífur.

E. Bíða eftir að Gummi finni lyktina líka og geri eitthvað í henni ? *yeah right*

F. Ekkert af því sem talið er upp hér að framan. Ef þessi möguleiki er valinn, vinsamlegast komið með uppástungur.

Er að drepast, tengdó er að koma í heimsókn og ég verð að drullast til að gera eitthvað í þessu, það er varla líft hérna inni.

Sumar og sól
hérna í Danmörku. Ji það er svo gott veður. Ég nenni ekki að gera neitt nema hanga í sólinni og hafa það huggó ! Sem er ekkert slæmt en öllu má nú ofgera. Ég hjólaði niður í bæ í gær, NB fyrsta sinn sem ég hjóla niður eftir. Við búum upp á hæð og það er svakalega auðvelt að hjóla niður eftir en hrikalegt að hjóla heim. Ég hef ekki almennilega lagt í þessa miklu ferð, en var búin að lofa sjálfri mér því að hreyfa mig reglulega í sumar. M.a með því að hjóla. Enyways þá gekk þetta bara vel og ég fékk mér salat á Macdonalds, keypti mér buxur og bol. Las Moggann á bókasafninu og hafði það huggó. Ekki leiðinlegt það.

Himmelbjerget
á að vera hæðsta fjall Danmerkur, það er það víst ekki en nógu fallegt er þar samt. Við fórum í dag með Einari Balvin og co. Keyrðum til Silkeborg og fórum þaðan með ferju, það var æðislega gaman. Það er alveg rosalega fallegt allt þarna í kring og auðvitað allt í blóma. Dásamlegt eins og Einar Kári og langamma hans segja í sífellu, dásamlegt ! En við fórum í Bambadýragarðinn í morgun og þar voru báðir drengirnir stangaðir af brjáluðum hreindýrum. Nei nei ég held nú frekar að drengirnir hafi gerst of nærgöngulir við þau.

Amma fer á morgun og svo koma Tengdó næstu helgi. Það verður væntalega mikið stuð, enda hörkufólk á ferð. Einar spurði pabba sinn þegar hann frétti að afi væri að koma; kemur hann á jeppanum ? hann varð fyrir svolitlum vonbrigðum þegar hann frétti að afi kemur bara í flugvél. Þvílíkt frat !

Gaman gaman
fórum á ströndina í gær eftir að hafa röllt um hallargarðinn fyrir hádegi. Veðrið er frábært og allir í stuði. Enda allir í fríi. Fórum út að borða og í bíó í gær, Lost in Translation, mæli með henni. Mæli líka með Ítalíu staðnum sem við fórum á í gær, algjört jömmi. Fórum með Maríu og Pálmari, eðal suðurnesjafólk. Eðal, annað eðalpar kom með síðbúna afmælisgjöf handa Einari Kára, Grétar og Karen kíktu upp úr bókunum og drukku kaffi í góða veðrinu. Ekki amalegt það.

Í dag er stefnan sett á Tivolí og grill í kvöld. Gummi er að redda gaskút á gasgrillið okkar, en það hefur gengið erfiðlega, dönum finnst fáránlega hallærislegt að grilla á gasgrilli. Við erum aðhlátursefni hverfisins, en það er í góðu lagi. Plebbar eru cool.

Slys
varð í gær á fótboltaæfingunni hjá Gumma í gær. Hann kom heim alveg í rusli, í bókstaflegri merkingu ! Hann datt í upphitun og skaddaðist eitthvað á rifbeinunum *döh* Hann var allavegana alveg að drepast. Greyið !

Amma sat í gær með strákunum og þeir voru að borða koldskål sem er svona súrmjólk með sítrónubragði sem maður setur kökur út í. Hana langaði til að smakka hjá Guðna smá, eina teskeið. Hann hélt nú ekki, en Einar -þessi öðlingur- var ekki lengi að segja amma þú mátt alveg fá hjá mér ! Krúttið !

Kærar þakkir fyrir allar afmælisgjafirnar sem komu frá Íslandi þær hafa vakið mikla lukku. Dótið frá Sigga og Hafdísi er alveg að slá í gegn og fötin frá Ósk og co koma sterk inn í sumar í góða veðrinu. Takk fyrir drenginn ;-)

sumar og sól
hérna í Århús. Enda erum við amma búin að endihendast út um allt. Á ströndina, í gamla bæinn, í botaniska garðinn og upp í Brabrand að kíkja á slummið. Ægilega gaman.

En núna situr amma og er að reyna kenna Guðna að tala, ekki að það sé ekki tímabært. Hann er orðin 2ja og 1/2 og segir bara nei og já. Hann er meira að segja ný búin að læra að segja JÁ ! Alveg vangefið ! Skil edda bara ekki ! Hlýtur að koma frá Gumma fjölskyldu. Hlýtur að vera.

The boy
er stórt verk eftir Ástralskan listamann á Aros en þangað fórum við amma í gær. Það var ótrúlega gaman að sjá þetta nýja og flotta safn sem var að opna. Við fórum í bæinn kl 10 um morgunin, fengum okkur að borða og vorum síðan á safninu til kl 15. Frábært. Það er svo gaman að fara svona með ömmu, gaman í góðum félagsskap. Annars erum við hættar að fara til köben, ætlum frekar að nota dagana hérna vel. Helgin verður örugglega skemmtileg. Vonandi að verðið verði betra ;-)

Bíó
Við fórum á bíó í gær. Sáum Troju með Brad Pitt. Það var rosalega gaman, flott mynd. Amma er svo frábær að passa að við ákváðum að skella okkur með Karenu og Grétari.
Annars höfum við amma það gott, fórum í bæinn í gær og það var bara fínt veður. Núna er ógeðslegt rok, jökk ekki gaman. En það rætist kannski eitthvað úr veðrinu -ég held samt ekki-

Það eru komnar nýjar myndir frá afmælinu hans Einars sem var á sunnudaginn. Gaman gaman.

Afmælið búið
í bili. Einar Kári er orðin 4ra ára á öllum vígstöðvum. Gaman að því. Afmælispartýið tókst bara vel og allir eru ánægðir. Þetta er í fyrsta sinn sem hann fattar pakka af einhverri alvöru og það fyrsta sem hann sagði við alla sem komu inn úr dyrunum var; "hvar er pakkinn" smá dúlló þegar maður er bara fjögurra. Vonum bara að hann hætti þessu fyrir 14 ára, þetta hættir nefnilega alveg að vera krúttlegt um 8 ára aldurinn.

En hann fékk fína pakka, vatnsbyssu, Hulk, Útidót, Spiderman bíl, teiknidót og margt fleirra. Guðni horfði á gestina drápsaugum afþví að hann fékk ekki líka pakka, en hann verður víst að læra þetta, maður er ekki alltaf eins !

Veðrið lék við hvurn sinn fingur og það var steik út á palli. Sem betur fer. Við erum líka búin að endurheimta ömmu og erum því MJÖG fegin.

Afmæli
hjá Einari Baldvin var í dag. Við brunuðum upp í Hadsten eftir hádegi og erum búin að skemmta okkur vel. En það er leiðinda veður hérna, ótrúlegt rok og kalt !!! Óskemmtilegt fyrir ömmu sem ætlar reyndar að vera í Hadsten þangað til á sunnudaginn. Það er víst mikið betra veður þar ! En annars er ég bara þreytt eftir Íslandsdvölina og próflesturinn, skil ekkert í þessu. Hefur kannski eitthvað með drykkju og djamm að gera. Humm.

Það sem hæðst ber á góma núna er afmælið hans Einars Kára sem verður á sunnudaginn og erum við sveitt að baka. Vonum bara að veðurguðirnir verði okkur hliðhollir og hafi betra veður. *krossleggjafingur*

Komin heim í heiðardalinn
og er því ægilega fegin ! Þetta er búið að vera frábært, skemmtilegt, meiriháttar og puð. En ég gisti hjá hjónunum -sem eru sko ný orðin hjón- Gumma og Hafdísi. Það var meiriháttar.- Óli Boggi nebbl sveik mig og byrjaði með stelpu, nennti ekki að hafa mig á stofugólfinu á meðan hann er í lovinu ! Skrítið !-

Brúðkaupið var æði ! Er enn með gæsahúð og læti. Mæli með Waterloo þegar gengið er úr kirkjunni, það er svo góður undirbúningur fyrir gott partý ! Partýið var sjúklega skemmtilegt ! Gaman gaman.

Fór í fullt af heimsóknum, sakna allra mikið en samt sem áður saknaði ég karlanna minna hérna heima alveg mest ! Ég ætla aldrei að fara svona aftur án þeirra.

En við Amma komum í gærkvöldi eftir 12 klst ferðalag, alveg búnar á því !

Heima er best.

Jæja, þá er helgin á enda og okkur hlakkar mikið til að fá Tótu heim aftur. Einar er náttúrulega búinn að spyrja mig hvar mamma sé. Ég var að pæla í því að útskýra fyrir honum að mamma hafi þurft að fara í aðferðarfræði próf á fimmtud. morgun og í brúðkaup á laugardaginn hjá Gumma og Hafdísi. Mig svona grunaði að þetta hefði getað ruglað hann örlítið í rýminu. Í staðinn ákvað ég að segja við hann að mamma hafi þurft að fara að sækja ömmu tótu, en hún fer út með Tótu og verður hérna í 2 vikur. Fyrir Einar Kára er þetta sem sé kristal klárt og mjög lógískt. Honum finnst samt örlítið skrýtið hvað mamma er lengi að ná í ömmu.
Við fórum í gær í bíó á Katten eftir Dr. Streuss eða hvað hann nú heitir. Þetta sló mikið í gegn, og Guðni hélt þetta auðveldlega út. Ég passaði mig á að hafa nóg af "bensíni" fyrir þá, súkkulað rúsínur, hlaup, kók og flögur. Guðni getur étið út í eitt af svona dóti. Hann tekur Einar alveg í nefið. Þegar Einar er búinn að fá nóg, þá klárar Guðni líka hann portion. Honum er nákvæmlega sama hvort að honum finnst þetta gott eða vont nammi. Fyrir honum er nammi nammi, þ.e. maður segir ekki nei við slíku. Áttum frábæran dag, fórum í kaffi og mat til Einars Baldvin og Heiðbráar, en strákarnir eru alltaf rosalega ánægðir þar. Komum aftur heim um kl. 19:30 og ég skellti þeim í bað og síðan upp í rúm. Þeir eru búnir að standa sig eins og hetjur.

Jæja, tha er fyrsti dagurinn lidinn thar sem vid fedgarnir vorum einir án Tótu. Thetta gekk eins og í sögu, ég nádi í thá um kl. 3 í leikskólann. Einar virtist hafa verid sáttu vid afmælid sitt, en danski afmælissöngurinn var sunginn, sem hann hefur nátturulega ekkert skilid í. Strákarnir lékur sér sídan fyrir utan til kl. 18, en hluti af theim tíma fór í ad leita ad mömmu. Thad var eins og ad hann Einar byggist vid mömmu sinni hvad og hverju, stardu nidur eftir botnlanganum og sagdist vera ad bida eftir henni og ömmu tótu. Frekar fyndid. Sídan var bodid upp á íspinna í forrétt, pizzu í adalrétt og ís í eftirrétt. Í kvöldkaffi var sídan snakk og hlaup á bodstólum. Sem sé, ein alsherjar hollusta. Èg ætla nu ad vinna thetta upp í kvöld og bjóda upp á sænskar kjötbollur, sleppa kjötfars vidbjódnum og hafa í stadinn nautahakk.

Afmælisstrákur
hann Einar Kári. Við foreldrarnir vöktum lengi að gera afmæliskökur, bakka inn gjöfum og gera pönnukökudeig sem drengurinn hafði óskað sér í morgunmat. Hann fékk ægilega fínar gjafir og við erum alveg í skýjunum með þetta allt saman.

Frá okkur fékk hann Hlaupahjól. Og Guðni líka ;-)
Frá Ömmu og Afa í Barmó fékk hann Chealse fótboltabúning með de hele, bók, lítinn bíl og smartís. Guðni fékk líka ;-) *maðurgræðiráaðverabróðir*
Frá Ömmu og Afa í Garðabænum fékk hann sundlaug og svo fengu þeir báðir boli með nafni sínu á !
Frá Ömmu Tótu var síðan SPIDERMEN stuttbuxur og bolur.

Við þökkum fyrir drenginn og hann þakkar fyrir sig. Við erum alveg í 7 himni með gjafirnar !

Það eru komnar myndir inn á myndasíðuna okkar, þar getið þið séð krúttin okkar !

Svo er það leikskólinn og svo Ísland. Nóg að gera !

Nýjar myndir
komnar inn í albúmið ! Enjoy !

Sumar sumar sumar og sól
í garðinum okkar. Við fórum ekki út úr húsi í gær. Sátum bara úti í garði, kláruðum að dytta að honum og höfðum það huggulegt. Karen og Gréta kíktu í kaffi og snúða. Ægilega huggulegt.
En ég er búin að sitja úti í garði í dag að lesa. Kjörið tækifæri, samt finnst mér svolítið heitt að vera í sólinni þegar það er 27° hiti. En það venst ! Hoho

Það er allt að verða vitlaust
hérna í danaveldi. Krónprinsinn er nefnilega að fara að gifta sig. Tilboðsbæklingarnir komu í hús í gær og okkur hjónunum finnst ægilega huggulegt að sitja og fletta í þeim á meðan við borðum hádegismat. Við situm yfirleitt og ræðum matseðil vikunar og dásömum hvað allt er ódýrt hérna í DK. En í þessari viku kveður við annan tón í bæklingunum, það er allt í brúðkaups þetta og Mary+Friðrik hitt. Það er hægt að kaupa nautasteikur sem eru með útskornu hjarta í miðjunni og þar er búið að setja svínakjöt. Lekkert ! Svo er hægt að kaupa, fingramat, kökur, kerti og sælgæti til þess að hafa í partýunum sem verða á föstudaginn þegar brúðkaupið verður. Það er búið að hengja upp tilkynningu í leikskólanum að starfsfólkið vilji gjarnan fá frí til þess að sjá brúðkaupið, hvort að foreldrar gætu verið svo vinsamlegir að gefa börnunum sínum frí, annars verða bara afleysingastarfsfólk sem passar -vúhú, þvílík hótun-. Svo er það sjónvarpið, allar stöðvar eru með þætti sem snúast um brúðkaupið á einn eða annan hátt, beinar útsendingar frá viðburðum sem krónprinsparið tekur þátt í og umfjallanir um þau. Í gær voru 3 stöðvar að sýna eitthvað þessu tengt á sama tíma. Allar opinberarstofnanir gefa frí eftir hádegi á föstudaginn og gefin hafa verið út tilmæli til einkafyrirtækjanna að þau geri hið sama ! Pælið hvað þetta kostar þjóðfélagið !
En ég verð á íslandi, strákarnir í leikskólanum með afleysingarfólkinu, Gummi í vinnunni, íslendingarnir í partýum að horfa og það er bara fínt. Ég verð nú alveg að viðurkenna að ég væri alveg til í að sjá alla flottu kjólana sem konurnar eru í . En athöfnina sjálfa nenni ég alls ekki að sjá. En ég held nú samt að ég þurfi að hafa litlar áhyggjur af því, ég á örugglega ekki eftir að hafa tíma á íslandi, ég verð í klippingu hjá Óla Bogga og hana nú. Á eftir að hafa áhyggjur af allt öðru brúðkaupi, nefnilega brúðkaupi ársins í mínu lífi. Hafdís og Gummi fá sko ekki að stengja hvert öðru heit án þess að ég sé á staðnum !

Prófið
gekk vel held ég. Það var allavegana ekkert sem kom mér neitt svakalega á óvart, ég gat svarað öllu að einhverju leiti en engu að fullu. Sem er svosem allt í lagi ! Held ég, vona ég.
Það var svo mikill kraftur í okkur að við drifum okkur út í garð að laga til, slá og reyta arfa. En það er samt hellngur eftir !

Við Einar vorum að spjalla þegar ég var að labba með þá heim úr skólanum, ég spurði eins og vant er hvað hann hafði verið að bralla. Hann sagði nú fátt, en sagði að hann hefði farið í strætó með konu og brúna stráknum. Þau fóru á kaffihús. AHA, það tók mig smá tíma að fatta um hvað hann var að tala þegar ég fattaði að hann er alltaf í málörvunarhóp á miðvikudögum og þá gera þau margt sniðugt! Þetta hefur sennilega verið liður í því.

Veðrið er æðislegt hérna, 20 stig hiti og sól. Jömmí.

Næsta próf verður síðan á Íslandi 13 mai en ég kem 12 mai um kvöldið kl 21. Ég hlakka til og kvíði fyrir, ég hef aldrei farið svona lengi frá stráknum. Gummi hlýtur nú að redda þessu, ég verð bara að vona það. Múhhahaha

2 próf búin 2 próf eftir.
Gaman að því, ég held að ég hafi nú alveg massað þetta heimapróf. Og svo er næsta próf á morgun. Það er eins gott að lesa vel í dag afþví að ég er ekki næstum því búin að komast yfir að glósa allt námsefnið og síðan er að læra það utan að !!!! Jey en gaman.

ÖM LÚÐI !
Er ég ! síðasta blogg var svona krísublogg, ég var að bíða eftir prófinu sem kom aldrei. Öm það var kannski ekkert skrítið. Það kom daginn eftir..........eins og talað hafði verið um. Ég er ekkert smá dofin í hausnum stundum, þetta er nú ekki líkt mér þannig að ég vil skrifa þetta á stresssss. Fress.
En sem sagt er ég með heimaprófið núna og það gegnur bara vel, ég held að ég massi þetta bara alveg. Þóra bekkjasystir mín og Árni maðurinn hennar eru í heimsókn, en þau eru að koma hingað að kíkja á aðstæður þar sem þau eru að spá í að flytja hingað. Þá myndum við Þóra vera saman í bekk, gaman gaman. María sér nú aðallega um þau þar sem ég er í heimaprófi .
Hérna er núna ausandi rigning og leiðindaveður. En ég er svosem fegin, ekki á ég að vera að dandalast eitthvað úti. Humm.
Annars er ég búin að fá eina einkun og fékk 7, er bara frekar ánægð með það.
Strákarnir eru hressir og kátir og hlakka til að fara í leikskólann á hverjum degi, Gumma hlakkar líka til að fara í vinnuna á hverjum degi og hjólar eins og eldibrandur ! *hahaha*
Gaman að þessu öllu saman.
Einar Kári á afmæli eftir viku, 4 ára elsku karlinn. Honum líst nú bara ekkert á að verða svona gamall, því að þá verður farið að gera alls konar ósanngjarnar kröfur á hann s.s að klæða sig í skóna. *dæs*

Heimaprófið
átti að koma fyrir 25 mín en er ekki ennþá komið. Ég þoli ekki svona ! Er nógu stressuð fyrir, það bætir ekki úr skák að þurfa að bíða.

Vil nota tækifærið og óska stórvini okkar honum Grétari til hamingju með afmælið. Góður drengur !

Djamm djamm og djamm.
í miðri prófatörn er nú kannski ekkert svo sniðugt en það var svooooooooo gaman á föstudaginn. Við fórum í listagallerí þar sem var vínsmökkun, svo borðuðum við dásamlega góðan mat og drukkum allt of mikið af víni með. En þetta var allt ótrúlega sniðugt og skemmtilegt. Gaman að hitta vinnufélaga hans Gumma. Drengirnir voru hérna í góðu yfirlæti hjá Einari Baldvin og Heiðbrá, fengu snakk, kók og nammi eins og þeir gátu í sig látið. Og það finnst nú litlum strákum aldrei leiðinlegt.
Laugardagurinn var svona letidagur, en ég var búin að mæla mér mót við strákamömmur á róló en við flúðum hingað heim þar sem við sátum og kjöftuðum lengi lengi. Gummi var með alla strákana -5- á efri hæðinni á meðan og þeir skemmtu sér konunglega. Mikið grín mikið gaman.
Í dag er ég búin að vera að lesa, Gummi fór með strákana í heimsókn til EBB og HJ.
Ég hlakka til þegar prófin eru búin, skil ekkert í sjálfri mér að nenna að vera í skóla, próftíminn er svo skelfilega leiðinlegur !!!

Stöðumælavörður
Reyndi að sekta mig fyrir 2 dögum. Málið var að ég þurfti aðeins að skreppa í mollið að kaupa svolítið -týpískt svona í prófum- og ég tími aldrei að borga í bílastæðahúsið. Þannig að ég legg yfirleitt í stæði sem ekki þarf að borga fyrir. Hélt ég ! En ég er allavegana að ganga út og sé 3 menn standa við bílinn minn og hleyp að bílnum og spyr mjög ljóskulega ;"ertu að sekta bílinn minn ?" Þeir sögðu við mig að bílnum væri ólöglega lagt og ég fengi 600 dkr sekt fyrir það. Ég ennþá alveg ljóshærð útskýrði fyrir þeim að ég væri frá Íslandi og þar mætti maður bara leggja hvar sem er ! Ég kynni bara ekki á svona kerfi þar sem mætti bara leggja sumstaðar en ekki annarsstaðar, ég gæti engan vegin áttað mig á því ! Þeir sáu aumur á mér og slepptu mér án þess að fá sekt. Með því skilyrði að ég myndi aldrei gera þetta aftur ! Múhahahahah !

En annars er allt fínt að frétta héðan, við erum að fara á djamm með vinnunni hans Gumma í kvöld og Einar Baldvin og Heiðbrá ætla að passa ! En ég ætti auðvitað að vera heima að læra, en ég NENNI því ekki ! hoho

Foreldrafundur
var á Vöggustofunni hans Guðna í gærkvöldi. Umræðuefnið og fyrirlesarinn var Næringarfræðingur sem sér um ráðgjöf til allra stofnanna sem hafa eitthvað með börn að gera. Þetta var mjög áhugaverður og skemmtilegur fundur.
Það var mæting kl 19 en mér sýndist ekki vera neitt sérlega góð mæting. Þetta var voðalega huggulegt, kerti, rauðvín, vínber, ostar, súkkulaði og kex á borðum. Þetta myndi maður seint sjá á leikskólum heima !!! En næringarfræðingurinn talaði um sykurneyslu barna og "madpakkene". Málið er að Danir eru heldur aftarlega á merinni -finnst mér- í svona málum. Hérna eru t.d engar vörur sem hægt er að kaupa sykurlausar, en allt er fitulaust. T.D er kókómjólkin hérna úr undanrennu en svo rosalega sæt að strákunum finnst hún ógeðsleg !!! Ég hef ekki fundið neinar mjólkurvörur í formi Jógurta og svoleiðis sem þeir vilja. Þarna kemur skyrið sterkt inn heima, algjör snilld sú vara. En anyways er fullt af svona vörum hérna sem er svona mitt á milli þess að vera sælgæti og vera matur. Svona hálfgerðar kökur, fólk kaupir þetta í þeirri góðu trú að það sé að gera börnunum sínum gott afþví að þetta er svo "hollt". Svo sendir fólk börnin sín með þetta í leikskólann og það verða ægileg leiðindi því að þau fara heim og segja ALLIR fá svona og svona, akkuru ekki ég !
Ég verð nú samt alveg að segja að ég er enginn sykur-nammi fanatík. Strákarnir mega alveg fá nammi, ís og kók. Við bara gleymum oft að gefa þeim, kaupum nammi og svo er það bara uppí í skáp. Og við kaupum ekki kex af þeirri einföldu ástæðu að þá borðum við það ;-/ og það er ekki gott.
Umræðan heima á meðal vinkvenna og bekkjasystra minna er mikil um sykur og að það eigi ekki að gefa sykur í óhófi, flestar kaupa sykurlausarmatvörur en feita osta til þess að gefa börnunum. Prótein VS kolvetni er líka mikið umtalsefni, fólki ofbyður oft þessi brauðneysla. En hérna hafa rannsóknir sýnt að börn fá of fitusnautt fæði en mikin sykur. Sem er alls ekki nógu hollt.
En það sem gladdi mig mest við það sem næringarfræðingurinn sagði um matarvenjur barna að við ættum að leyfa þeim að vera matvönd og alls ekki pína börn til þess að vera mikið að smakka nýja hluti. Það kemur allt með meiri þroska. Svo framarlega sem börn borða um 400gr af grænmeti og ávöxtum, fá eitt glas af mjólk á dag þá eru þau í góðum málum. Mikill léttir að heyra þetta, þá get ég hætt að slást við strákana á kvöldinn þegar þeir vilja ekki borða matinn. Þeir eru nefnilega alltaf til í að skipa á matnum og grænmeti. Tómatar, gúrkur, bananar og epli eru í miklu uppáhaldi á þessum bæ. *guðisélof*

Prófið var fínt í gær
eða svona þannig. Ég fann nú alveg fyrir því að það munaði miklu að ég náði að lesa vel síðustu dagana fyrir prófið. En þetta fag hefur setið svolítið á hakanum hjá mér -eins og öll hin fögin- ég hef bara rétt náð að gera þau verkefni sem ég VERÐ að gera og svo einhvernvegin ekki meir. En þrátt fyrir það er mér að ganga ágætlega og ég er alveg að massa 7-8 í vetrareinkunir í flestu. Vetrareinkunin gildir um 50% í öllum kúrsum þannig að ég er sátt. Ég er greinilega að vinna ágætlega undir pressu ;-) Svo er næsta próf á mánudaginn í straumum og stefnum í leikskólauppeldi ég er svolítið hrædd við það fag, eða réttara sagt ég er hrædd við kennarann hún hefur kennt mér allar annir og ég veit einhvernveginn aldrei hvað hún vill fá !!! Mjög snúið allt.
Við fengum tjaldið og eldunarsettið í gær. Ég er ótrúlega spennt að sjá tjaldið ! Gummi hringdi einmitt úr vinnunni í gær eftir að ég sagði honum að tjaldið væri komið þá hafði hann mestar áhyggjur að ég myndi tjalda því úti í garði ! Humm, alveg í hreinskilni þá held ég að ef það hefði ekki verið rigning -og ég í heimaprófi- þá hefði ég nú sennilega skellt mér í að tjalda og kíkja á gripinn. Hver veit nema það hefði verið kvöldmatur úti í garð ;-) Ég er klikk ég veit það !!
Annars eru allir hressir og kátir. Guðni er farinn að sleppa því að segja NEI heldur segir hann NEJ, frekar krúttlegt. Ekki mikill munur en munur þó.
Takk fyrir peppupp kommentin í gær, halda áfram svona. Hoho.

Heimpróf
Er að fara í heimapróf eftir smá stund og er alveg að deyja úr stressi ! Arg þoli ekki svona stress er búin að drekka marga kaffibolla og er alveg að missssssa mig !
Helgin var frábær, grilluðum í fyrsta sinn og það var meiriháttar. Annars var ég bara að læra undir próf afþví að það er SVOOOOOOOO skemmtilegt !

Gaman saman í sumar.
Eða það vona ég að minnsta kosti. Það er kominn mikill sumarhugur í okkur Gumma og við keyptum okkur tjald í gær. Reyndar bara á netinu en engu að síður er 4 manna tjald og eldunarsett á leiðinni hingað í pósti. Gaman gaman. Svo er ég búin að vera að browsa um netið og ég fann frábæra heimasíðu þar sem öll tjaldstæði eru og þau eru ekkert slor. Mig langar svo að fara um suður Jótland sérstaklega á eyju sem heitir Römo. Um hvað ég hlakka til.
Sumardagurinn fyrsti var víst á fimmtudaginn, hann hefði gjörsamlega farið framhjá okkur nema afþví að við fengum sumargjafir og kort. Æðislega gaman ! Takk fyrir okkur.
Annars er lítið að frétta ég er bara að reyna að drusla mér í gegnum siðfræðina gengur hægt en gengur þó ! Gummi er að fara á morgun að vinna með fólkinu hérna í kring. Málið er að þetta svæði hérna í kring er í okkar eigu og við borgum visst mikið í sameiginlegan sjóð til þess að láta sjá um að það sé slegið grasið og tréin klippt. En semsagt 1x á ári er svona fællesmöde -mjög vinsælt hjá dönum allt þetta fællesdót- þar sem allir hittast og ditta að umhvefinu. Dagurinn byrjar ægilega huggulega með kaffi og vínarbrauðum. Ef ég þekki dani rétt þá verður örugglega vinnudeginum lokið með bjór ! En ekki hvað ;-)

Guðni týndist
á þriðjudaginn. Gummi var í köben og það var allt í volli.
Málið var að ég fór að sækja þá í leikskólann -að venju- og þegar við komum heim þá höfum við það alltaf þannig að á meðan ég geri þetta venjulega sem ég geri alltaf, taka þvott af snúrunum, setja yfir kaffi og undir búa smá snarl fyrir þá, þá eru þeir úti að hjóla. Það þykir þeim ægilegt sport og það er alltaf nóg um að vera hérna í nágreninu. Æðislega gaman. Nema það að Einar er búin að vera frekar þreyttur eftir leikskólann og því vill hann komast beint inn að borða og horfa svo að eins á sjónvarpið. Guðni hélt uppteknum hætti og fór og hjólaði. Svo þegar ég ætlaði að kalla á hann inn fann ég hann hvergi. Það var bara hjól á miðri götu og enginn Guðni. Ég var nú ekkert stressuð fyrsta korterið en svo fór ég að ókyrrast. Ég spurði alla sem ég hitti hvort að þeir hefðu rekist á hann og áður en ég vissi af var komið heilt lið að leit að honum. Ég gekk um með tárinn í augunum og fannst þetta HRÆÐILEGT. Ég er sá fyrir mér að honum hefði verið rænt og við krafin um lausnargjald. Ég hringdi í Karen til þess að sitja hjá Einari á meðan ég var að leita. Á meðan hún hjólaði hingað kom nágrannakona mín með Guðna. Hann hafði þá verið alveg hinum megin við götuna lengst upp frá. Mikið var ég glöð þegar hann fannst og ég var í svo mikilli geðshræringu að ég gleymdi að þakka öllum fyrir hjálpina við að leita.:-/
En annars er allt gott að frétta ég fer í fyrsta prófið mitt á mánudaginn og það er bara lesa,lesa,lesa og lesa.

Það eru komnar nýjar myndir
í albúmið. Núna er ég að byrja í próflestri og það mætti segja mér að ég yrði mjög dugleg að blogga og setja inn myndir ! *múhahahaha*

Helgin var fín
gott veður sól og blíða. Við fórum í tivólíð með nesti -alveg eins og hinir danirnir- og leyfðum svo strákunum að leika sér í leiktækjunum sem eru þar. Það var fínt en við foreldrarnir vorum aðeins of ílla klædd.*burr,burr* Um kvöldið fór ég síðan í stelpupartý og það var æðislega gaman. Ég hitti 3 stelpur sem ég hef aldrei séð áður og 2 af þeim eiga stráka á Einars aldri. Ég ætla að reyna að drífa hann í heimsókn til þeirra sem fyrst.
Sunnudagurinn var letidagur en við kíktum inn í Barbrand sem er gettóið hérna í Århús. Það eru hlutfallslega mest um fólk af erlendum uppruna hérna í Århús af öllum bæjum hérna í danmörku. Flestir útlendingarnir safnast saman þarna í Brabrand. Það er varla hægt að sjá fólk sem er ljóst á hörund, konurnar eru með slæður og karlarnir eru með gullkeðjur og á þvílíku sportbílunum. Helsta aðdráttarafl Brabrand er Bazar Vest sem er markaður sem selur grænmeti, ávexti og arabískan mat *nammi namm*. En ástandi er svo slæmt þarna að lögreglan fer ekki inn í hverfið ef það eru slagsmál og læti. Strætó áskilur sér meira að segja rétt til þess að stoppa ekki fyrir farþegum ef þeim líst ekki á aðstæður. Þetta er mjög furðulegt að vera þarna, það eru stórar blokkir sem eru ódýrar í leigu og því safnast útlendingarnir þangað, og það er ótrúlegt að maður sér á umhverfinu að þetta er næstum því ekki danmörk, hálfgert Tyrkland eða eitthvað svoleiðis. Staðsetningin á hverfinu er frábær, stutt í bæinn og það er ótrúlega fallegt umhverfi, ég var meira að segja stundum þarna þegar ég var yngri afþví að ma og pa þekktu fólk sem bjó þarna, mér skilst að þá hafi þetta líka verið slumm. Þegar við vorum að leita af stað til að búa á kom okkur á óvart hvað raðhús voru fáránlega ódýr þarna, oft allt að 500 þús dkr í samanburði við okkar hverfi. Við erum nú ægilega ánægð að það var hægt að tala okkur ofan af því að kaupa ekki hús þarna *púff* við erum svo ægilega lukkuleg í snobbhverfinu okkar ;-)

Tívolíið
er alveg að standa undir væntingum okkar. Við fórum í morgun með nesti og djús í flösku. Alveg eins og danir gera. Við fundum rosalega flottan róló og það var hrikalegt stuð.

En ég er að fara í partý í kvöld til Sölku skvísu. það verður örugglega mikið fjör. Heima á skerinu er vinkonurnar að gæsa Hafdísi, það er nú örugglega ekki minna stuð. Ég væri nú alveg til í að taka þátt í því. Vona bara að þær sendi mér myndir af herlegheitunum

Bæ í bili.

Upplifun Gumma
Var í gær að leika með strákunum hérna fyrir utan í 16 stiga hita og sól. Þetta var í fyrsta skipti sem að maður upplifði stemninguna í hverfinu, en við búum efst í U-laga botnlanga þar sem er engin umferð. Allt í einu fylltist allt af krökkum að leika sér í tennis, skilmast, eltingaleik osfrv. Einar og Guðni léku sér með 6 og 7 ára strákum í skilmingaleik. Einn hluti leiksins var að hleypa ekki Einari og Guðni inn í einn garðinn hjá grannanum við hliðina á okkur, sem gerði garðinn náttúrulega enn meira spennandi. Síðan skildu strákarnir ekkert í því að Guðni skyldi bara mumbla (dadada a ha a ha) og að Einar skyldi tala eitthvert óskyljanlegt mál. Ég útskýrði fyrir þeim að við værum frá Íslandi, sem þeim fannst að ég held nokkuð cool. Þeir spurðu mig (Gumma) síðan um aldur Guðna eða eiginlega hvort að hann væri "baby". Ég sagði að hann væri baby og þá leit þetta allt öðruvísi út. Guðni fékk greiðann aðgang inn í garðinn sem þeir voru að "verja" og Einar Kári fékk takmarkaðann aðgang. Eftir þetta mátti Guðni gera allt. Maður er annars farinn að geta bablað barna dönsku sem er nátturulega fyrsta skrefið í þessum tungumála fasa. Grannarnir eru alveg frábærir og maður upplyfir þetta eins og eina stóra fjölskyldu. Mjög sáttur við þetta.

Matartíminn í leikskólanum
hans Einars fannst mér algjört met. Það er gaman að sjá hvað krakkar læra mikið í leikskóla. Ég geri mér ekki alltaf grein fyrir því hvað þau læra mikið af matarmenningu þjóða með því að borða í leikskólanum. Á fimmtudaginn í leikskólanum hjá Einari var pastaréttur og smörrebröd. Smörrebrödet var með makríl, lifrarkæfu, einhverskonar pylsum með steiktum lauk, eggjum og tómötum og svo rostbeef. Það voru 4 helmingar af rúgbrauði á mann. Á borðinu stóð svo majónes og remúlaði í skálum. Mjög huggulegt. Þetta kunnu sko krakkarnir að meta -allir nema Einar K- og þau settu mikið af remúlaði og majónesi. Og það heyrðist nammi namm. Einar Kári er nebbl svolítið spes -hvaðan ætli hann hafi það- og vildi borða áleggið fyrst og síðan brauðið. Það fannst krökkunum mjög sérstakt og einn strákurinn sagði ; Nej Einar sådan spiser man ikke bröd í danmark, se man holder med begge hånder. Frekar krúttlegt.

Sól og sumar
gaman gaman. Hérna er æðislegt sumarveður. Einar Kári var í leikskólanum alveg fram að hádegi. Hann fór með nesti í leikskólann og hann fékk að velja sjálfu. Hann vildi frá ristað brauð með ost og skinku, 5 smá tómata og rúsinur. Mjög ánægður með þetta sjálfur. Hann var alveg ferskur allann tímann. Eftir fundinn sem ég átti með starfsfólkinu í gær, stungu þau upp á að ég reyndi kannski að vera aðeins jákvæðari. -sem ég er ekki búin að vera- Málið er að við erum búin að vorkenna honum svo hryllilega að það hálfa væri nóg ! Við hefðum helst viljað sleppa þessu. En anyways þá tókum við jákvæða pakkann í gær. Oh hvað þú ert heppin, ble ble ble. Það hefur greinilega svínvirkað.
En framundan um helgina er Tívolí ferð og hugguleg heit. Ég væri öfga til í að fara í Dýragarð, þurfum að sjá til!

p.s ég kemst ekki inn á trallið þannig að ég svara líklega seint.

Leikskólinn
hans Einars er kannski ekki alveg eins og ég hefði viljað en........... ég talaði við leikskólastjórann í gær. Ég varð svolítið aum yfir þessu öllu. Mér finnst mjög erfitt að horfa upp á litla barnið mitt svona óöruggt. Leikskólastjórinn brást vel við óskum mínum og ég fæ fund með starfsfólkinu á deildinni hans og hinum leikskólakennurunum á morgun. Mér líst vel á það. Þær eru reyndar ennþá að stinga upp á að ég fari að tala dönsku við hann !!! ég er ekki alveg að kaupa það. En svona er þetta.
Veðrið er æðislegt núna, það er búið að spá 16° hita á laugardaginn. Ekki slæmt það, ég held bara svei mér þá að sumarið sé komið ! Nammi namm.

Páskaskemmtun !
Gummi var spurður að því í vinnunni hvað við ætluðum að gera um páskana. Hann sagði að við værum að fá fullt af Íslendingum í heimsókn. Þá spurði yfirmaður hans hvað við ætluðum að gera. Gummi sagðist ekki alveg vera með það á hreinu en við fáum okkur sennilega nokkra öl og tölum ílla um dani ! Fólkið við matarborðið varð víst frekar vandræðalegt á svipinn og fór að tala um eitthvað annað ! Skrítið !

Myndir
síðan um páskana eru komnar inn á myndasíðuna okkar. Þær eru reyndar svolítið úr fokus en hey ! Ekkert alvarlegt. Það er hálftómlegt í kotinu núna en það er nú líka vinnudagur á morgun og þá kemst allt í rútínu.

Páskaegg
Namm namm namm. Krakkarnir eru búin að borða páskaegg eins og ég veit ekki hvað í morgun. Þau fengu meira að segja egg án þess að borða morgunmat !!!! En smá súkkulaði í morgunmat 1x á ári skaðar varla neinn :-) Við erum búin að hafa það huggulegt með gestunum okkar, það er búin að vera brakandi sól og blíða, þver öfugt við það sem búið var að spá. En það er búið að vera algjör bónus, og auðveldar töluvert lífið þegar það eru 4 börn 5 ára og yngri.
Í dag fara svo gestirnir til síns heima, og við erum að fara í danskan frokost til Einars Baldvins. Svo er það bara slökun og verkefni á morgun.

Fínir dagar
þessir frídagar. Við erum búin að vera með fullt af heimsóknum og það er æði ! En við tókum það bara rólega í gær, vorum hérna heima og slöppuðum af. Í dag fórum við í tivóli, keyptum okkur frípassa sem verða öruggleg mikið notaðir. Við sáum meira að segja kongafjölskyldunna þannig að þessi ferð rokkaði feitt !. Gaman gaman.
Gleðileg páska !

Sumir eru greinilega skyldari en aðrir !
Ég held að Reynald systursonur hans Gumma sé nú að verða alveg eins og frændi. Haldið þið ekki að hann hafi verið að taka lestina frá Sönderborg hingað og endað í Ålaborg ! Ég meina halló ! Neinei ekkert mál, bara frekar fyndið, þeir eru nú meiri krúttin.

Krúttlegt
að hlusta á karlana mína hlægja upphátt að Tomma og Jenna sem eru núna í sjónvarpinu. Það glymur allt þeir hlægja svo hátt.
Ég sit hérna niðri og er að skrifa ritgerð, ég vorkenni sjálfri mér alveg óskaplega og dauðsé eftir að hafa farið í svona áhugavert fag sem er með svona hrikalega mikið lesefni. :-( Ég er búin að drekka svona 1000 kaffibolla í dag, uss ekki gott. En ég ætla nú samt að drusla mér í gegnum þetta svo að ég geti verið í fríi um Páskana. Vei !

Mánudagur til mæðu
er svo sannarlega búið að vera yfirskriftin á þessum degi. Hann er búin að vera langur og strangur. Hann byrjaði á því að við sváfum yfir okkur og þá fer yfirleitt allt í flækju. En við Einar fórum í leikskólann með nesti alveg ákveðin í því að borða hádegismat. Við mættum um 9 leytið en það voru eiginlega engin börn, allir í fríi. Ég ákvað að skreppa aðeins frá (í 50 mín) og leyfa Einari að vera einum smá stund. Þegar ég kom til baka þá var hann allur grátbolginn og þá hafði hann átt mjög erfitt. Hafði bara klætt sig í úlpuna og vildi ekki vera þarna lengur. Eftir að ég kom hékk hann í mér þannig að ég sá engan tilgang í að vera þarna lengur. Þegar við komum heim finnst mér hann eitthvað svo slappur til augnanna, þá er greyið litla komin með hita og allt í volli. Elsku karlinn.
En ég er að reyna að klára síðasta verkefnið mitt á þessari önn og ég er alveg að mygla. Ég er búin með smá og ég á að skila því eftir páska.*arg*

Myndó
húsmóðirin á Flintebakken 95 -og þá er ég ekki að tala um Gumma- hún er búin að baka 2 kökur. Eina bananaköku og eina Súkkulaðiköku. Ji og hún sem má ekki borða kolvetni, en fyrir þá sem ekki vita það þá eru svona kökur algjör kolvetnabomba ! Og hana nú. En þessar kökur bakaði ég ofaní gestina sem ætla að koma í kaffi, gaman gaman.
En ég fór líka út í búð og keypti svona web-cam þannig að nú getið þið séð mig þegar ég tala við ykkur á netinu. Ekki amalegt það. Græjan kostaði litlar 150 dkr í nettó sem er svona Bónus, fín búð. Og fyrst ég var komin út í búð þá keypti ég kassa af páskabjór -ekki ofan í mig, bjór = kolvetni *arg*- þannig að nú mega gestirnir koma.
Minnst á gesti ég var að tala við Stellu í Ástralíu og þau eru að koma að heimsækja okkur í Júlí, alla leið frá Ástralíu ! Humm góðir vinir þar á ferð. Jey ég hlakka svo til !

Lambakjöt á diskinn minn !
hver man eftir þeim auglýsingum. Bjakk þoli ekki þessar landbúnaðarauglýsingar á Íslandi, sleppa því að auglýsa og nota peninginn til þess að lækka kjötið þannig að fólk geti keypt sér ! OG þá er þjóðfélagsádeilu minni lokið í bili ;-)
Við vorum nefnilega að borða íslenskt lambalæri og það var ýkt gott. Ekkert sjúklegt en gott. Þetta var samt bara smá svona afþví að þetta er íslenskt og allt það. Keypti það í okurbúllunni Fötex á 89 dkr. Ekki amalegt það.
Annars verður að segjast að Gummi fær átaksverðlaunin í dag. Hann er búin að vera svoooooooooo duglegur, setti upp snúrur úti og lista á borðstofuna. Það versta er að nú gerir hann örugglega ekkert næstu 2 mánuðina. Þetta var bara svona minor kast. Ég er hinsvegar búin að vera úti í garði að dunda mér, setja niður stjúpur og svona. Ég held að ég geti alveg sagt frá hjartarótum; mér finnst garðvinna ógeðslega leiðinleg. Næst ætla ég að kaupa mér íbúð í blokk ! -eða sko þegar við flytjum til íslands-

Kvikmyndagetraun !
Hvernig væri að taka upp svona létta skemmtilega leiki á föstudögum. Gummi er að fá sér bjór með yfirmanni sínum. (Kissing asses)
En úr hvaða mynd koma þessir frasar ;
50 bucks, grandpa, for 75, the wife can watch

A.Hey yo,Hey yo check this! B.That's a Lotus Supree A.No that's rent.You should go for it.You look hot tonight.Don't take less than a hundred,call me whan your through. Take care o' you!B. Take care o' you.

Oh honey, I've got a run in my pantyhose...wait a minute, (laughing) I'm not wearing pantyhose!

You guys work on commission right? Big mistake, big, huge! Excuse me ladies, I have to go shopping now!

Þetta er úr einni gamalli og góðri. Ég á hana á spólu og er búin að sjá hana svona u.þ.b Milljón sinnum.
Góða helgi og trallið nú villt krakkar mínir ;-)

Allt í plati !
við erum ekkert að flytja til köben. Hehe. En þeir sem lásu bloggið, gerðu athugasemdir og hringdu. Gaman gaman að hlaupa apríl. Það var gaman að finna að fólki er ekki sama um okkur og hefur áhuga á því sem við erum að gera. Trallið er alveg að virka !
En annars er það að frétta af okkur að Einar er byrjaður á leikskóla og honum lýst svona svona á þetta allt saman. Flott dót og skemmtilegur leikskóli, en honum líst ekkert á börnin. Við vorum í klst í gær og svo vorum við 2 1/2 klst í dag. Þannig að eftir helgi þá ætla ég að skilja hann aðeins eftir og við ætlum að fá okkur að borða hádegismat þar. Vonandi fer þetta nú allt að koma.
En helgin framundan, gott veður sól og blíða. Svo koma gestirnir í næstu viku. Oh hvað ég hlakka til, Reynald frændi Gumma og vinur hans koma á miðvikudaginn og svo koma Gunni+Þórarna+börn á fimmtudaginn. Sem sagt fullt hús af fólki og mikil gleði

Spennó
Leyndarmálið sem ég mátti ekki segja um daginn er ekki leyndarmál lengur. Gummi er komin með nýja vinnu og við ætlum að flytja til Köben. Gaman gaman. Fyrirtækið ætlar að borga allt fyrir okkur, sölulaunin á húsinu og allann kostað. Ekki amalegt það. Við erum ægilega spennt yfir þessu og hlökkum mikið til. Það verður bara leiðinlegt að kveðja alla sem við erum búin að kynnast hérna í Århús og leiðinlegt fyrir strákana að fara á nýja leikskóla. En svona er lífið.

Er verið að tala um minn mann ?

Þegar karlmenn grilla !

Eina matreiðslan sem hinn "sanni" karlmaður tekur sér fyrir hendur er að
standa við grillið; í kvöldsólinni og með bjór í hendi. En þegar hann býðst
til að taka til starfa við grillið tekur við óhjákvæmileg röð atburða...

1. Konan fer í búðina.
2. Konan útbýr salatið og eftirréttinn.
3. Konan undirbýr kjötið fyrir hamskiptin, leggur það á disk með
nauðsynlegum útbúnaði og færir það manninum sem stendur hnarreistur við
grillið drekkandi bjór.
4. Maðurinn leggur kjötið á grillið.
5. Konan fer inn fyrir og leggur á borð og aðgætir meðlætið.
6. Konan fer út til að láta manninn vita að kjötið er að brenna.
7. Maðurinn grípur kjötið af grillinu og réttir konunni.
8. Konan leggur síðustu höndina á aðalréttinn og leggur hann á borðið.
9. Þegar allir hafa matast tekur hún af borðinu og þvær upp diskana.
10. Maðurinn spyr konuna hvort hún hafi ekki notið þess að fá "kærkomið
frí" frá matseldinni.

Og samkvæmt viðbrögðum konunnar leggur hann út frá þeirri viðteknu skoðun
karlmanna að ómögulegt sé að uppfylla væntingar sumra kvenna!

Snilli
Bara þannig að það sé á hreinu þá er hún Diddi sys algjör snilli. Þessa grein skrifaði hún meðal annars ! Snilli.
Annars nenni ég nú oftast lítið að tjá mig um svona mál á þessari síðu. En ég er annars mjög yfirlýsinga glöð manneskja og hef margar og miklar skoðanir m.a á skólagjöldum. Það er eitt samt sem mér finnst geymast í þessari umræðu og það er að við erum með skólagjöld á Íslandi ég borga t.d 35 þús kr á ári fyrir að vera í Kennó. Mér finnst það bara yfirdrifið nóg, þakka ykkur fyrir.

Sumarið er komið
allavegana svona opinberlega, það er komin sumartími og við töpuðum 1 klst í gær. Þannig að núna er 2ja tíma munur á Íslandi og Danmerku. Það er samt ekki að sjá úti að sumarið sé komið það er allt hálf hráslagalegt og grátt. Við erum líka öll meira eða minna með hor -huggulegt- þannig að það er fát sem minnir á sumarið !
Helgin var svolítið skrítin, svona inni-hanga-helgi en það gekk bara ágætlega. Fengum fína gesti á laugardagskvöldið og svona. Í gærkvöldi horfðum við hinsvegar á snilldarmynd sem heitir "I Kina spiser de hunde" þvílíkt meistarverk. Ég hef aldrei hlegið svona mikið af limlestingum og blóðslettum. Mæli með henni.

Hérna eru þeir bræður í nýju fötunum sem amma Hildur keypti. Ægilega fínt !

Nýjar myndir
á myndasíðunni okkar. Enjoy !

Læknisheimsóknin
Var í gær. Það gekk svolítið ílla að finna læknastofuna en það tókst að lokum. Á móti okkur tók maður svona milli 40 og 50. Örugglega ægilega fínn. Eftir að hafa stamað veikindasögu Guðna upp fyrir honum þá hlustaði hann peyjann og skrifaði lyfseðil upp á asthma lyfs mixturu. Sagðist vera algjörlega á móti pensillini en mixturan myndi hjálpa honum að hósta og þar með losa sig við sýkinguna. Eini gallinn við svona Asthma mixturur er að það eru svo miklar aukaverkanir, handskjálfti, hraður hjartsláttur og ruglingur á svefninum -einmitt það sem við þurftum á að halda- Ég verð nú alveg að viðurkenna að ég verð að bæta Björgvini heimilislækni á Íslandi á lista yfir þess sem ég sakna. En svona er þetta nú bara og ég held að ég verði bara að læra að lifa með því að hafa annan heimilslækni, mér skilst að fólk lifi þetta nú alveg af. En það er svo hinsvegar önnur saga hvernig !
Ég fer svo út í apotek að sækja lyfið borga litlar 30 dkr fyrir það -sem er djók, svona lyf með heimsókn hefðu aldrei orðið undir 3000 íkr- og svo byrjaði ofbeldið sem fellst í því að við þurfum að halda Guðna -fast- til þess að geta troðið ofan í hann lyfinu. Það er ekki það skemmtilegasta sem við hjónin gerum, Guðni verður svo öfga sár út í okkur og ofbeldið -skiljanlega- En þetta hófst að lokum við mikinn harm.
Í morgun fékk svo Gummi það silldar ráð -ég er gift snilla- að setja bara mixturuna í bikar og leyfa Guðna sjálfum að drekka hana, viti menn það gekk svona glimrandi og hann skellti þessu í sig eins og þetta væri eitt staup af súkkulaði ! Góður.
Þannig að núna erum við á leiðinni á leikskólann og Einar ætlar líka að prófa sinn leikskóla í dag. Þannig að það er komið fullt prógramm fyrir daginn.
Bið að heilsa og góða helgi.

Lasarus
hann Guðni. Hann er búin að vera veikur síðan á mánudaginn og núna er ég komin með nóg. Ég ætla með hann til læknis í dag. Greyið litla er svo viðkvæmur í eyrunum að það má ekkert útaf bera. En ég fer með hann til læknis í dag. Vonandi "reddar" hann þessu.
Annars er lítið að frétta, allt spakt á þessum bænum. Það er orðið ljóst að ég kem heim 12 maí og verð til 18 mai. Ég er að koma heim til þess að taka próf, fara í brúðkaup og svona. Margt að gerast. En þeir sem vilja hitta mig.......... bara bóka tíma !

Töfratuskan mín
fína bleika er týnd. Ég auglýsi hér með eftir henni, hún er bleik svona gróf og ægilega sniðug. Hitt heimilisfólkið er þó ekki undir grun þar sem ég veit að þeir myndu aldrei snerta tuskur. Það veit ég af eigin reyslu. Þannig að það er helst að lítil mús sem hefur verið hjá Maríu og Pálmari hafi verið að verki. En lesendur góðir ef þið rekist á tuskuna góðu, vinsamlegast komið henni til skila sem fyrst. Hennar er sárt saknað hér er allt í ryk og drullu.

Fín helgi
þessi sem liðin er. Búin að gera alveg fullt. G. Massi og frú komu í mat á laugardagskvöldið. Það voru svínalundir ala Gummitota. Ekki ónýtt. Svo prófuðum við nýja sundlaug í dag í Hinnerup sem er bær hérna rétt hjá, svona Mosfellsbær. Sundlaugin er æðisleg, rennibraut, heit barnalaug og alles. Auðvitað ekki hálft á við íslenskar sundlaugar, en hey maður getur ekki fengið allt ! Það er það sem ég sakna mest -fyrir utan kea vanilluskyrs- eru sundlaugarnar. En ódýri bjórinn bætir það fljótt upp. Þannig að í hvert skipti sem ég verð eitthvað leið yfir því að geta ekki farið í Árbæjarlaugina þá fæ ég mér bara bjór. Þannig að ég er hálf full alla daga eeeeeeeeeeen með góða afsökun. Þetta er jú allt bara af hreinum söknuði. !
Við bökuðum síðan svona 80 pönnukökur sem við fórum með til Einars Baldvins og Co. Með smá stoppi til námshestanna hérna í næstu götu.

Góð helgi og enn skemmtilegri vika með fullt af spennandi fréttum. Einar að fara í heimsókn í leikskólann og ......... æi ég má víst ekki segja það. En það verða vonandi ótrúlega spennandi fréttir bráðlega.

Nei ég er ekki ólétt !

Einar fékk bréf í dag

frá leikskólanum sem hann er að fara á. Þar stóð ; Kære Einar nu skal du snart til at gå i börnehaven på Gul stue sammen med mang andre börn. Du må gerne komme og besöge os. Mange hilsner fra store og små på gul stue. Einar varð ægilega lukkulegur með þetta og við ætlum að taka þau á orðinu og kíkja á mánudaginn í heimsókn. Það verður örugglega mjög gaman.
Annars er lítið að frétta, við erum bara í föstudagsfíling hérna heima. Með góðan mat í ofninum og sólheimaglott. Gerist ekki betra.
Góða helgi !

Guðni gleðipinni
er orðin hrokur alls fagnaðar í leikskólanum. Hann er bara alveg að jafna sig á þessu og er búin að eignast lítin vin. Vinur hans heitir Friðrik og er kolsvartur. Þeir félagarnir eru mikið í því að hlaupa saman og sprella. Friðrik er farin að tala alveg heilmikið, hann segir alltaf þegar ég kem ; Gudni din mor er her ! Eins á Gunðni það til að safna krökkunum í kringum sig og lesa fyrir þau. Skipar krökkunum að lesa og svo situr hann mjög hátiðlegur og "les" fyrir börnin. Mjög gaman.
En við erum búin að kaupa okkur nýjan bíl, rauðan Renault 1994 á 28 þús dkr. Hann er reyndar bara þriggja dyra en hann er svo fínn að það er ekkert til að kvarta yfir. Og svo fer bara Opelinn heim við fyrsta tækifæri. Ég vona að hann seljist fljótt. Ég set inn myndir af Rauðu eldingunni við fyrsta tækifæri, en minni á að það eru komnar nýjar myndir í albúmið á barnalandi.

Það er sól og blíða
og það er spáð 15 ° hita í dag. Ekki slæmt það. Við Einar ætlum að drífa okkur út að hjóla og þrífa svo bíllinn.
En ég gleymdi að segja frá aðalgræðinu sem við fengum frá mömmu. Við fengum páskaegg. 4 egg frá Nóa Siríus, þau komu meira að segja óbrotin. Geri aðrir betur ! Eftir allt þetta ferðalega Köben-Gautaborg-Köben -Århús. En mamma kom líka með Lýsi það var nú mikil gleði og Guðni labbar á eftir mér þegar ég er með lýsisflöskuna og segir meja meja. -sem þýðir sko meira meira- En hann er alveg að verða sáttari og sáttari að fara á leikskólann. Það eru búnir að vera nokkrir dagar þar sem hann hefur verið allt annað en sáttur við að fara í leikskólann. En hann hefur verið svona 5 mín að jafna sig eftir að ég er farin. Ekki mikil sorg bara svona aðeins að árétta þetta með að hann vildi kannski bara frekar vera heima og horfa á góða ræmu, éta kex og drekka djús. En það er aðal afþreyingin hérna !

Skvísurnar komu í lunch
í dag og það var mikið hlegið að vanda. En það kom upp í umræðunum hjá okkur að það væri gaman að skreppa á Norah Jones tónleika sem eru í köben 22.júní. En því miður vorum við of seinar og það er uppselt. *snökt* En við förum kannski seinna á eitthvað annað geim.
Einar Kári er svo góður strákur, við erum búin að vera með svona viðurkenningarkerfi í gangi. Hann fær einn límmiða fyrir hverja nótt sem hann sefur í sínu rúmi. Eftir fimm límmiða fær hann að velja sér gjöf. Svo fórum við um daginn að kaupa fyrir hann gjöf og þá sá hann lítið tvíhjól, svona eins og fyrir Guðna. Hann varð svona ægilega hrifinn af því og hætti ekki að tala um það. Við skildum nú ekki alveg afhverju hann vildi nýtt hjól, nýbúin að fá þetta fína hjól. En hann hætti ekki, var alveg harður á því að hann vildi fá svona hjól eftir fimm nætur. Við fórum að spurja hann út í hvað hann ætlaði að gera við 2 hjól. Sko þá var málið að hann ætlaði að leggja það á sig að sofa fimm nætur í sínu rúmi svo að Guðni fengi líka tvíhjól. Dúllan. Oh við bráðnuðum. En við eyddum nú samt þessari hjólaumræðu, Guðni er svo mikill brjálaðingur að hann ræður engan vegin við tvíhjól ennþá.

Alltaf að græða
við hérna á Flintebakken 95. Við Einar græddum alveg fullt. Fórum með mömmu niðri í bæ og hún keypti og keypti og keypti á okkur og handa okkur. Ekki slæmt það. Við fórum í dótabúð og mamma ætlaði að vera ægilega góð við Einar og leyfa honum að velja sér eitthvað. Hann var nú ekkert upprifinn en svona lét sig hafa það að velja tvo digimon stauka einhverja. Það krúttlegasta var samt að hann passaði sig vel að Guðni fengi líka alveg eins. Og allt sem við keyptum þá var hann alltaf að spyrja hvort að Guðni fengi ekki alveg eins ! Dúllan.
En við höfðum það svo hrikalega gott í dag, það var sól og blíða og yndislegt veður. Mamma er algjör töfrakona með þetta hún kemur alltaf með góða veðrið. Og svo fer hún á morgun *sniff* en skvísurnar koma í lunch þannig að það verður nú samt sem áður nóg að gera. Gaman gaman.

Mamma er komin !
til Århús, hún kom á laugardagskvöldið kl 23 eftir laaaaaaaanga lestarferð frá Gautaborg. Og hálf lasin í þokkabót, aumingja mamma. En laugardagurinn fór eiginilega í að bíða eftir henni. María og Edda komu með skvísurnar sínar í kaffi og það var nú alveg aldeilis fínt að hafa svona fína afsökun fyrir því að þurfa ekki að vera að læra ;-) annars náði ég að læra alveg fullt. Það er bara allt á góðu róli hjá mér núna. Gummi og Einar fóru hinsvegar í bíó og á Macdonald. Einari finnst það geðveikt ! Fyrir honum er það eins og að fara á djamm, svona Mac-djamm.
Mamma kom með góða veðrið og það var sól og blíða með 9° hita í dag. Jömmi ég held bara að sumarið sé alveg að koma. Við mamma og Einar fórum á aðalsafnið niðri í bæ, skemmtum okkur konunglega, rölltum aðeins um bæinn. EB og Heiðbrá komu í kaffi. Ægilega fínt.
Á morgun ætlum við í bæinn og sýna henni pleisið. Svo fer hún á Þriðjudaginn, því miður. Við hefðum þurft að hafa hana í svona viku, að minnsta kosti -og pabba með. Kannski næst.

Trall
er alveg nauðsynlegt þegar maður bloggar, ég hef séð ljósið. Enda held ég að ég verið mikið duglegri að blogga eftir að fá svona fín tröll frá ykkur öllum. Sætt.

En við erum hress og kát, ég fór og keypti video í Bilka í dag. Hitt dó, ég skil þetta ekki alveg þetta með tækin okkar sko fyrst bilaði ristavélin, svo örbylgjuofninn og svo videoíð. Á tímabili hélt ég að ryksugan hefði bilað. Ég meina hallllló. Hvað er málið ? Getur verið að þegar maður kaupir allt á útsölu og á tilboði að það lifi skemur en hitt. Humm. Svik og prettir. En það er mikil gleði á heimilinu eftir að vera komin með video aftur, þetta var bara eins og að missa Au-pairina. En við gerum bara eins aðrir sem hafa verið með Au-pair, fáum okkur bara aðra ! ;-P

Blogglæknirinn
hann Grétar maðurinn hennar Karenar lagaði þetta allt fyrir mig.......og gott betur. Takk fyrir kærlega, ég er bara klökk. Annars er ég líka með harðsperrur í maganum ég hló svo mikið, hver segir að html geti ekki verið fyndið ? Ég bara spyr ? En svo dreymdi mig tags og allskonar rugl í nótt -ólíkt öðrum nóttum þar sem draumarnir eru fullkomlegar rökréttir- þetta var eins og ég hefði verið að læra fyrir próf seint um kvöld og þá dreymir mig alltaf lesefnið.
Niðurstaða; aldrei að læra eftir kl 20 það veldur martröðum.
En annars er spenna hérna á heimilinu mamma er að koma í heimsókn annað kvöld og við hlökkum svo til, það er svo gaman að fá heimsóknir að heiman. Það verður líka gaman fyrir strákana að fá einhvern að heiman.

En hvernig finnst ykkur nýja útlitið á síðunni okkar ? Er þetta ekki glimrandi fínt. Og svo er komið svona ægilega fínt trall. En trall er svona þar sem maður skrifar kveðjur og þakkar fyrir sig. Sniðugt.

Verð að kíkja á einhvern blogg lækni.

Er að verða brjáluð
Á að hafa ekki koment á síðunni. Getur einhver hjálpað mér. Er að klikkast ! og það viljum við ekki. Vinsamlegast hafið samband við mig á gummitota at hotmail.com

Eðlisfræðitilraunir og aðrar raunir.
Guðni er sæll og ánægður í leikskólanum, vínkar mér bless keikur og hleypur til krakkana til að fara að leika. Hann lúllaði í leikskólanum í dag og það gekk bara vel. Enginn peli og ekki neitt. Duglegur strákur.
Einar Kári er hérna heima með mér á daginn og hann er ótrúlega duglegur að dunda sér. Fara út að hjóla, út að kríta, klifra í garðinum og svona. Það hefur líka nokkuð verið um eðlisfræðitilraunir eins og;

# Setja cerrytómat inn í örbylgju, kveikja á örbylgjunni og sjá hvað gerist.
# Kveikja á lampa og setja hárið að perunni og finna hvernig það hitnar.
# Hella eplasafa í frystikistuna og sjá hvernig flygsunar hanga alveg ótrúlega lengi.
# Klifra upp í tré og henda dóti niður.
# Henda dóti upp í tré og athuga hvort það festist.

Eins og lesa má er hann sko sonur pabba síns. Mjög mikill spekulant. En ég held samt að hann sé með minnið mitt. Hann man allavegana allann fjandann.

En við erum annars hress og kát. Eða restin af fjölskyldunni er kát, ég er að skera niður kolvetni og mér finnst það skítt. Enginn sykur, ekkert pasta og lítið brauð. En þetta ku svínvirka. Ef ég ætla að láta sjá mig á stuttbuxum í sumar verður eitthvað að fara að gerast. Bið að heilsa.

Nýjar breytingar, nýjir stafir.
Er þetta ekki fínt sem ég er búin að vera föndra við ! Ótrúlega smart að sjá íslenska stafi. Þetta kendi hún Karen mér, en ég fór með skvísunum á kaffihús á laugardaginn. Gaman gaman.

Í sundi er gaman að vera ralla la la la la la
en við fórum sem sagt í sund í morgun. Fórum í gamla laug sem er hérna niðri í bæ og við vorum fyrirfram alveg búin að dæma hana vonlausa. En eftir að hafa verið "rænd" í móttökunni -borguðum um 100dk fyrir okkur öll- þá reyndist þetta hin fínasta laug. Auðvitað ekkert í samanburði við laugarnar heima -það stenst náttl ekkert samanburðin við þær- þá erum við bara nokk ánægð. Strákarnir voru alveg í skýjunum með sundferðina og ég verð nú alveg að viðurkenna það að mér fannst nú ansi notalegt að standa leeeeeeeengi undir sturtunni án þess að fá vott af samviskubiti. Um fullt af "ókeypis" heitu vatni.

Eins og talað úr mínu hjarta
þessi grein en bara þannig að fólk fari nú ekki að misskilja neitt þá er brjálað að gera hjá mér og ég myndi aldrei eitthvað vera að hanga á netinu *djók* ég les bara nauðsynlegustu blogg og smá svona uppskriftir og umræður. En bara smá. En ég rakst á link á þessa grein hjá fyndasta bloggara sem ég veit um. Já já ég veit hún er systir mín og maður á aldrei að hrósa skyldmennum sínum. -það er eins og að hrósa sjálfum sér-

BRJÁLAÐ AÐ GERA !
Þetta búið að vera algjör klikkun. Það er svo brjálað að gera.
Aðlögunin hjá Guðna gengur mjög vel, hann virðist þrífast mjög vel á leikskólanum og vera ánægður. Hann varð reyndar veikur á miðvikudaginn -en bara í einn dag- en það virðist ekki hafa komið að sök í þessu aðlögunarferli. Hann var í hádegismat í fyrsta sinn í dag og hann borðaði nú ekki mikið. Þetta leist honum ekki á ; síld, hrogn og rúgbrauð. Bjakk, frekar vill hann danskar pulsur. En þessu verður hann nú að venjast.
Við Einar Kári erum heima á meðan, og það er sko nóg að gera hjá okkur. Við höfum verið að erindsrekast í búðum og annað slíkt. Hann er líka að læra að hjóla og það er sko ótrúlegt mál að kenna honum að bremsa. Hann fer á blússandi fart niður brekkur og hendir sér svo af hjólinu þegar ég vil að hann stoppi. Aðeins of mikill áhættubransi fyrir mig. Þannig að ég hleyp gargandi á eftir honum ; Einar, Einar stigðu á bremsuna, stigðu á bremsuna. Sjáið þið þetta ekki alveg fyrir ykkur. Ótrúlega gefandi og skemmtilegt.
Af okkur hjónunum er allt það besta að frétta, alltaf nóg að gera. Vorum að kaupa hillur inn í geymslu. Svona stál ægilega fínar og svo var fjárfest í svefnsófa til þess að hafa inni hjá stráknum. Vonandi fáum við Gummi þá að hafa hjónarúmið ein. *jea rigth* Allir hressir og kátir. Gaman að sjá hvað það eru margir búnir að kvitta í gestabókina á barnalandi *enn og aftur jea rigth* en ég var að setja inn "nýjar" myndir. Smá Tóta tossi í gangi. Þetta reddast.
Góða helgi.

Fyrsti í aðlögun
hjá Guðna var í dag. Þetta gekk svona ljómandi vel, við fórum öll saman fjölskyldan en Gummi fór nú fljótt í vinnuna. Aðlögunin er þannig að við megum koma og vera eins og við viljum og þetta veltur á því hvernig Guðni tekur þessu öllu. Einar Kári má koma með okkur þannig að það verður ekkert mál. Þeir voru alveg himinlifandi drengirnir með skólann. Guðni alveg fór hamförum í dótinu. Kraftmikill og duglegur. Svo fóru þeir bræður út að leika og ég brá mér afsíðis að spjalla við deildastjórann og leikskólakennarann hans. Þeim fannst allt í lagi að skilja Guðna eftir úti því að hann hafði jú stuðning af bróður sínum. Þegar ég kom út úr viðtalsherberginu þá var Einar Kári kominn inn. Þá hafði hann orðið svo hræddur að vera einn úti að hann varð að koma inn að leita að mér. Guðni var hinsvegar ennþá úti mjög svalur á þessu. Jáhá svona er lífið, það er ekkert alltaf sá yngri sem er aumari. Humm