Þorláksmessa alveg að verða búin. Púha hvað það er búið að vera mikið að gera. Við hjónin vorum búin að sjá fyrir okkur að við værum að dúlla okkur í allan dag við að þrífa höllina. Svona með annarri á meðan hlustað væri á góða jólatónlist og sötrað glögg. Niii það var ekki alveg málið, það er búin að vera full keyrsla síðan kl 7 í morgun. BRJÁLAÐ að gera. Samt vorum við "búin" að öllu. Skrítið ! En jólin koma 24 des sama hvernig stendur á. Við erum reyndar langt komin með allt, búið að skreyta tréið, búið að fara í jólabaðið, búið að skipta á rúmunum, búið að gera fromasinn og ég býst við að þetta verði bara huggulegt og afslappað á morgun. Lúvlí.

Skyrgámur kom í nótt, held ég. En ég er alveg að gefast upp á þessu jólasveinadæmi, þetta er bara rugl, strákarnir voru vaknaðir kl 5:45 til að kíkja í skóinn. Og þeir gátu ekki sofnað aftur, arg. Við vorum ss öll komin á fætur kl 6:30, aðeins of snemmt f minn smekk.

En afmælisdagurinn var góður, ég fékk fullt af pökkum og mörg meil og margar símhringingar. Takk fyrir það kæra fólk. Frá Gumma og strákunum fékk ég náttföt, inniskó, húfu, trefil og vettlinga. Lúxus. Svo var eldaður góður matur og haft huggó, aaaaaaalla helgina. Ekki slæmt.

Núna sit ég og er að leggja lokahöndina á ritgerðina mína. Það er gaman, það er gaman að klára. Á föstudaginn erum við svo öll komin í langt frí fram á 2 jan, en þá byrjar skólinn með öllu stuðinu aftur.

Gleðileg jól gott fólk.

jeg har tabt en tand og nu er den væk. Nu er jeg bange for at jeg ikke for nogle penge. Hvad siger du søde tandfe er der noget jeg kan gøre til at få penge selv om jeg ikke har nogen tand at give dig.

Knus og kram din ven Einar Kari

Þetta bréf skrifaði Einar til tannálfsins en hann týndi tönninni sinni og var alveg eyðilagður afþví að hann var viss um að fá þá engan pening.

ÝKT pirruð núna, málið er að við höfum yfirleitt haft ágætisverkaskiptingu í jólakortabransanum á heimilinu. Verkaskiptingin er þannig að ég panta kortin, skrifa, endurnýja listann og kaupi frímerki. Gummi sér um að skemmta mér á meðan, hann prentaði reyndar út heimilisfangalímmiðana í ár en yfirleitt hefur hann séð aðallega um að skenkja mér rauðvín á meðan ég skrifa.

Í ár ákvað ég svo að treysta Gumma til að setja frímerkin á kortin með þeim stórkostlega árangri að þau eru í vitlausi horni á mörgum kortum. SS ekki í efri hægra horni heldur neðra vinstra horni, ekki nóg með það þá þarf að snúa þeim við til að lesa heimilisfangið. Ég vona að postdanmark komi ekki og handtaki okkur fyrir ruglið. Danir eru ekkert sérlega líbí þegar að kemur svona rugli.

En ég er í miðjum ritgerðarskrifum og má ekki við svona rugli, ég fór alveg á límingunum. ARG !

Julenissen Julle kom í heimsókn til okkar í gær úr skólanum hans Einars Kára. Julenissar hérna í danmörku eru svona drillenissar sem stríða og hrekkja. Hann lét ekki vera að gera okkur nokkra grikki, hann;

• Litaði mjólkina græna
• Setti rúsínur í smjördallinn
• Batt hnút á fötinn hans Einars Kára og faldi þau í skúffunni hans Jóns Gauta.
• Setti fötin hans Jóns Gauta í skúffuna hans Einars Kára
• Faldi sig í vasanum hjá mömmu í sundi
• og neitaði að láta finna sig um morguninn.

Merkilegur karakter þessi jólanissi, við erum eiginilega feginn að hann er farinn heim með einhverjum öðrum börnum þar sem hann getur haldið áfram að hrekkja. Við erum komin með nóg *fliss*

Þarna erum við mæðgin á veitingastað i Köben, köben var meiriháttar, eins og alltaf. Við keyrðum af stað um hádegi á föstudeginum, drengirnir sváfu allir í bílnum en þeir fóru í pössun til Beru frænku og Gunna mannsins hennar um kvöldið á meðan við fórum í jólahlaðborð með fjölskyldunni hans Gumma. Það var rooosalega góður matur og rooosalega skemmtilegt. Laugardagurinn var rólegur með smá búðarferðum en annars huggulegheit á hótelinu.

Við gistum á frábæru hóteli og á laugardagskvöldinu fengu við okkur pitsu sem var færð okkur upp á herbergi. Við lögðum ekki alveg í veitingastaðinn en í morgunverðarhlaðborðinu um morguninn hafði JG brotið glas og reynt að grýta þjónustustúlkuna !. En ss það kom þjónn upp á herbergi með pitsuna og ég vissi ekki hvert strákarnir ætluðu þeim fannst þetta svo spennandi að það kæmi alvöru þjónn, spurðu hann grafalvarlegir "er du en virklig tjener", en aðaldjókið á heimilinu er einmitt þjónabrandarinn. "Heldur þú að ég sé þjónn fyrir þig" er svolítið vinsæl setning þegar maður biður bræðurna um viðvik !

Sunnudagurinn fór í almennt röllt um köben en við enduðum í jólatívolínu. Góður endir á góðri helgi.

xxxsr

Allt í gleðinni hér á bæ, eins og svo oft áður. Mikið að gera og það er bara skemmtilegt. Ég er búin að fá samþykkt efni í öðrum áfanganum og núna sit ég sveitt að skrifa um tvítyngdbörn og möguleika þeirra. Eða eitthvað á þá leið.

Við fórum síðustu helgi til Flensborgar með Einar B og fjölskyldu, það var mjög gaman og mjög spes. Kíktum í risastóra verslunarmiðstöð þar sem við náðum að kaupa smá, en þó aðallega að skoða. Rosalega er gaman að skoða í búðum sem maður hefur aldrei komið í. Það eru myndir af ferðinni á myndasíðunni.

Á sunudaginn komu Þóra og Danni með börn í heimsókn. Danni, sem er smiður að mennt ætlaði aðeins að hjálpa Gumma með að setja upp hlera upp á loft. Já,já það tók aðeins um 7 klst. Fjölskyldan fór út héðan um 22, það var alveg nett samviskubit hjá mér yfir að hafa haldið þeim svona lengi. Púha. En ég vona að þau séu ennþá vinir okkar.

Við erum svo á leiðinni til Cph um helgina að hitta fólkið hans Gumma. Hinrik mágur hans á 50 ára afmæli og það verður farið á jólahlaðborð. 17 manns takk fyrir. Strákarnir fá að vera hjá Beru frænku og Gunna manninum hennar. Ég vona að þau tali við okkur aftur, en Jón Flón getur verið leiðindapúki. Úff !

Annars er fátt að frétta, ég er bara mjög ánægð með nyhedsavisen íslenska fríkeypisblaðið. Það kemur reyndar ekki alltaf en þegar það kemur þá les ég það upp til agna. Þeir áttu gott skúbb í krabbameinsmeðferðarhneiksli. 10 rokkstjörnur frá mér. Húrra eins og Jón segir svo flott !

Afmælið fyrir leikskólann búið. Léttir, púha. En við Gummi sóttum alla strákana af deildinni hans Guðna, 11 talsins og svo voru auðvitað bræðurnir 2. Við vorum búin að baka pulsuhorn og pizzasnúða og það var sest á gólfið og gúffað í sig. Í efitrmat var svo súkkulaðikaka með pókemon. Frábært alveg. Þetta eru allt delux eintök og það var bara gleði og grín. Við vorum búin að gera ratleik um hverfið sem tók um 30 mín en í verðlaun var sælgætispoki. Þeir gúffuðu í sig nammi á meðan þeir horfðu á yo-gi-oh bara snilld. Foreldrarnir komu allir um 17, sumir fengu sér rauðvín og setust niður aðrir fóru fljótt. En það sem skiptir mestu máli er að Guðni er í skýjunum með daginn og við líka. Þetta er sko allt þess virði. Grípa tækifærið til að fagna þegar það gefst. Lúv it.

Það er sko skemmtilegast að í heimi að vera afmælisbarn, viljum við óska afa Einari til hamingju með daginn. En hann er einmitt alvöru afmælisbarn, Guðni á ekki afmæli fyrr en þann 27.11.

Góða helgi gott fólk.

Fátt að frétta en mikið að gera. Skólinn, vinna, leikskóli, fritidshjem og vöggustofa taka allan okkar tíma þessa dagana. Púha. Náum þó oftast að hitta góða vini inn á milli. Er alveg andlaus og þreytt núna.

Gummi afmælisbarn er 38 ára í dag. Stór dagur, mikið grín, mikið gaman. En hann var vakin með afmælissöng í morgun. Strákarnir voru reyndar búnir að kjafta í hann hvað hann myndi fá í afmælisgjöf (hvenær læra börn að þegja y gjöfum ?) en hann fékk fullt af sokkum og náttslopp frá okkur fjölskyldunni. Ægilega fínt, svo fengum við okkur súrmjólk og músli. Það verður ekki mikið betra, tíhí. Í kvöld er svo góður matur og rauðvín.

Gummi var ánægður með íslandsferðina, hann náði að gera helling og hitta marga. Hann kom heim með yfirvigt, hrærivél og gúmmulaði, ekki slæmt það. En fyrir hans hönd þakka ég fyrir öll hittin.

Af okkur hinum er það helst að frétta að allt gengur sinn vanagang. Strákunum gengur öllum vel í skólunum sínum og allir eru sælir, glaðir og ángæðir.

Ég var á fyrsta foreldrafundinum mínum í gærkvöldi, það var að dana sið rauðvín og ostar, ægilega huggulegt. En þar skipulögðum við komandi ár með bekknum. Það verður ss hellings húllumhæ og gleði. Jólaskemmtun, partý f foreldra, dýragarðsferð með börnin og sumarveisla. Mér líst vel á þetta og hlakka til að taka þátt.

Mér skilst að fáir hafi getað opnað myndbandið sem er á síðunni en hérna eru önnur Einar að tala um skólann og strákarnir að tala við pabba .

Jæja verð að fara, er að fara að hjóla í skólann. Góða vinnuviku gott fólk.

Kæru vinir Jón í baði. En ef þið ýtið á linkinn þá fáið þið að sjá myndband af prinsinum.

Þetta er aðalsportið hjá Jóni Gauta þessa dagana, upp stólinn og niður. Mjög mikið stuð, nema þegar hann dettur sem er svolítið oft. Greyið litla. Er að spá í hvað hann þarf að detta oft og meða sig ílla til að fatta að þetta er ekki sniðugt. Finnst þetta frekar þreytandi, en ég þarf víst líka að gera aðra hluti á heimilinu en að hanga yfir honum á stólnum. Sérstaklega þegar ég er ein með drengina eins og ég er núna.

Gummi er nefnilega að fara til Íslands í kvöld, ég sendi hann með allar jólagjafirnar. Fór niður í bæ og kláraði dæmið á 2 klst. 4 búðir, þökk sé H&M, Magasín, Fona og Georg Jenssen. Snilld.

Annað með Jón Gauta hann er byrjaður að tala smá, en fyrsta skíra orðið hans er "prút" en það þýðir prump. Nú segir hann prút í hvert skipti sem hann prumpar, svei mér þá ef hann sagði það ekki upp úr svefni í nótt, hehe. Hann hann segir mamma, pabbi, strákar og prump. Þetta er meiri orðaforði en báðir bræður hans höfðu á hans aldri. Kannski spilar það inn að hann hefur aldrei fengið eyrnabólgur en bræður hans voru áskrifendur að þeim fjanda.

Bið að heilsa í bili, best að hella sér í lestur góðra skólabóka...

Köben var æði pæði.

Ég tók rútuna, lenti í köben um 13 og hitti eðalhjónin Jón og Eydísi í lunch á hótelinu. 5 stjörnuhótel, allt í sómanum á þeim bænum. Fór með Eydísi í bæinn, keyptum smá, kíktum á skó og fengum okkur í glas. Fórum upp á hótel og drukkum meira. Út að borða á frábæran stað er-go mæli milljónfalt með honum, góður matur og gott andrúmsloft. Við gleymdust reyndar við barinn, sem var pínuspes en við náðum að skella í okkur 2 drykkjum. Eftir matinn fórum við á lítinn stað í kjallara, dönsuðum og drukkum. Komum upp á hótel um 2 leytið, alveg hressar ! Jeminn þetta var svo gaman, algert delúx í alla staði. Tók rútuna heim um 12 leytið og var lent í Århus um 15.

Gummi og strákarnir voru heima á meðan, það var ekki slegið við slöku hérna frekar en fyrri daginn. Það voru bakaðar smákökur, leigðar DVD, borðað manni og flögur, eldaðar kallakjötbollur og verið í kósí pósí fíling. Gaman að því. En það var þreyttur pabbi sem ég hitti í gær þegar ég kom heim. Þetta tekur á. Næstu helgi verð ég ein en Gummi er að fara til Íslands í afmæli og á vinnufundi. En þá er þetta líka búið í bili.

Er núna í þessum skrifuðum orðum að fara í bæinn að kaupa jólagjafnirnar til að senda Gumma með heim. Það verður gott að vera búin með það.
Góða vinnuviku.

Kalt kalt kalt kalt

úti núna, burr. Það snjóði og snjóaði í gær þegar ég var að fara með strákana í leikskólann. Gummi var á bílnum en hann ætlaði til köben snemma um morguninn, hann komst reyndar aldrei vegna óveðurs, en það er önnur saga. En ég var ss búin að kappbúa alla drengina og sjálfa mig, hafði hugsað mér að hjóla beint í skólann var ég með JG í stólnum aftan á hjólinu. Það sem litli strákurinn minn grét við að fá allan þennan snjó í andlitið. Þetta fannst honum misþyrmingar af verstu sort. Elsku karlinn.

Við hin héldum áfram í daginn, Gummi snéri við eftir að brúnni var lokað og allir voru kátir. Kannski of ílla klædd, en kát ! Sem leiðir mig að öðru, ég fór og keypti mér ægilega fína kápu f veturinn, ekkert að því. Nema þegar ég kem heim þá les ég að það sé 25% afsláttur í búðinni í dag. Einum degi of seint f mig. Nú líður mér eins og ég hafi tapað peningum, það er sko ekki skemmtilegt.

Helgin framundan, ég er að fara að hitta Eydísi vinkonu og við ætlum eitthvað að sprella saman. Það verður nú ekki leiðinlegt, á meðan verður Gummi með strákana hérna heima að sprella með þeim. Það þykir þeim nú ekki leiðinlegt, stundum er ágætt að mamman sé ekki heima, tíhí.

Skólinn gengur ágætlega, þetta er svona upp og ofan hjá mér. Stundum finnst mér þetta voðalega erfitt, en aðra daga er ég bara hress. Er hress núna, finnst ég hafa ágætis stjórn á hlutunum.

Bless í bili.

Gummi er komin heim og allt í blóma, ljóma. Honum var reyndar hótað að hann fengi ekki pláss í vélinni, en það reddaðist á síðustu stundu. Félagi hans barnapían Tómas var ekki jafn heppinn en hann flaug til köben og var ekki komin í sveitina fyrr en í nótt, hánótt. Gummi er í skýjunum með kúrsinn og segist hafa fengið heilmikið út úr því að hafa setið hann (annað en fullt af bjór og góðum mat, hohoho).

Skólinn hjá mér er að verða erfiðari og erfiðari, það er nokkuð ljóst að ég á ekkert eftir að komast hjá því að fara að hugsa sjálfstætt og ákveða um hvað ég ætla að skrifa. Mér finnst þetta ægilega erfitt og brýt heilan um merkar kenningar daginn út og daginn inn. Mjög slítandi að vera í skóla, ekki eins auðvelt og margir gefa í skyn.

Annars er það helst í fréttum á heimilinu að Jón Gauti er farinn að ganga, hann er á svipuðu róli og bræður hans voru en þeir voru ekkert að flýta í þessum efnum sem og öðrum. Einar er td ekki enn búin að missa eina einustu barnatönn, allt stellið situr mjög fast. Ekkert að því ss en Einar er byrjaður að tala frekar mikið um hvað hann fær mikla peninga þegar hann missir tennurnar. Þá kemur nefnilega tannálfurinn (og hann er skoh til í alvörunni mamma, segir Einar) og gefur manni fullt af peningum. Veit ekki alveg hvert gengið á mjólkurtönnum er í dag, þarf að tékka á því. Kannski veit Karen vinkona það, hún vinnur í seðlabankanum. Þeir vita víst allt um gengi og vísitölur (segir hún, en hvað veit maður ss !).

Helgin er framundan, lítið planað en örugglega margt brallað. Mömmugrúbbuvinkonur mínar koma í kaffi á sunudaginn, ég hlakka til að hitta þær. Skemmtilegar konur.

Bið að heilsa í bili, góða helgi.

Föstudagur til fjár og haustfríið alveg að verða búið. Gummi kemur heim á laugardaginn til að fá hrein föt í töskuna, eða hér um bil. Hann er búin að skemmta sér mjög vel í Munchen, sjá spennandi réttarhöld og hitta skemmtilegt fólk. Allt eins og best verður á kosið.

Hérna heima er stemningin svona, svona, hefur verið betri en hefur líka verið verri. Jón Gauti er búin að vera lítill í sér og vill mikið láta halda á sér, það getur verið frekar pirrandi þegar þarf að gera 150 aðra hluti. Strákarnir stóru eru líka svolítið víraðir, en það er kannski líka því um að kenna að starfið í leikskólanum og frítidhjemmet hefur ekki verið í föstum skorðum. Ég hef þá kenningu að við erum svo mikil regludýr að við þurfum að hafa fasta stundaskrá. Það fer okkur ekkert sérlega vel að fljóta svona áfram. Sei sei.

En til að bæta upp fjarveru bóndans þá ákvað ég að skella mér í mollið. Fór frekar snemma og var mætt 11, það voru 40 stæði laus af 400, takk fyrir. Stappað af fólki og allir með krakkana sína. Þvílík gæðastund að hendast í mollið með öllum hinum, ég var sæl og glöð með blásið hárið í háhæluðum skóm að versla. Barnlaus. Það var glöð mamma sem var 2 peysum og 1 skyrtu ríkari sem sótti strákana sína í dag.

Á eftir koma Heiðbrá og Baldvin í mat, en það verða heimatilbúnir kjúklingaborgarar í matinn. Jömmí. Þau komu líka í gær og ég held svei mér þá að það hafi bjargað geðheilsunni. Reyndar styrktist geðið líka helling við símtal við kæra vinkonu og boð í mat á sunudaginn. Gott að eiga góða að.

Góða helgi gott fólk.

Sætir karlar þessir tveir á bekknum. Myndin er tekin úti á róló á sunnudaginn en Þóra, Danni og börn komu í "sleepover" á laugardaginn. Það var mikið stuð, endalaust af góðum mat, spilum, gríni og glens. Við pössuðum svo börnin þeirra á sunudeginum á meðan þau fóru í kirkju.

Annars er það helst í fréttum að það er haustfrí í skólunum, ótrúlega sniðug uppfinning. Það er meira að segja frí í mínum skóla, en verkfallið hafði þær afleiðingar að ég þarf að lesa, lesa og lesa upp námsefni sl vikna. Gaman að því. Svo er Gummi líka að fara í vinnuferð, fyrst til Munchen og eftir það til Den Haag ekki jafn gaman að því.

Það er hægt að spyrja sig að því hversvegna mér sé svona ílla við þessi ferðalög hans Gumma, svarið er ekkert einfalt. En í stuttu máli sagt þá sakna ég hans þegar hann er ekki heima. Hann er besti vinur minn og svo er hann ótrúlega góður að td að gefa Jóni að borða og svæfa hann, skemmta mér og strákunum svo fátt eitt sé upptalið. En svona er lífið.

Annars rákumst við á þessa frétt sem fjallar um (fyrir þá sem ekki skilja dönsku !) um það að heilbrigt líferni getur haft áhrif á lífstílssjúkdóma eins og asthma. Eins og flestir sem Gumma þekkja þá er alkunna að hann er (var) með asthma. Svo slæman að hann var búin að eyðileggja á sér um 25% af lungunum. Sei sei sei, ekki gott. En þegar við fluttum hingað til DK þá las ég grein eftir svona hippó konu sem lýsti því að sykur væri verkfæri djöfulsins. Ef forðst væri sykur biði manns elíf hamingja og fá aukakíló. Það var við manninn mælt, ég tók allan sykur af Gumma, við mikil mótmæli þó, hnuss og formælingar. En hann er laus við asthman, búið að skrifa um þetta í blöðin ergo ég vann. Múhahaha.

Lifið vel og lengi en ekki í fatahengi !

Verkfallið leyst og allir strákarnir fóru í skólana sína í dag. Bjuggumst við bagslagi hjá Jóni Gauta en það var nú aldeilis ekki þannig, hann var sæll og glaður að komast á vöggustofuna. Segir vonandi meira um það hversu vel honum líður þar heldur en hversu skemmtileg ég er. Tíhí.

Guðni var líka ánægður með að hitta vinina í leikskólanum og Einar Kári skemmti sér konunglega á fritidshjemmet. Ss allt eins og það á að vera. Nema ég og lesturinn, mér gekk ferlega ílla að festa hugan við bækurnar og varð lítið úr lestri. Ég verð greinilega að lesa á safninu, gengur ekki að vera hérna heima, allt of freistandi að kíkja aðeins í tölvuna og skella í eina og eina þvottvél. Skamm skamm.

Ég er búin að ákveða að læsa blogginu, það eru einhverjir búnir að fá boðsmiða í emailið sitt. Ef það eru einhverjir sem vilja fylgjast með okkur en hafa ekki fengið boðsbréf, skrifið mér endilega línu á totaeinars at gamil.com og ég set ykkur á listann.

Ég er ekki að læsa blogginu vegna þess að ég er hrædd um að það lesi einhver ókunnugur bloggið okkar, mér líður bara betur með að setja inn prívat upplýsingar um okkur þegar ég veit hverjir lesa.

Bið að heilsa í bili, er að fara upp í sofa að glápa og svo rekur Gummi mig örugglega út að hlaupa. Hann er alger harðstjóri þegar kemur að þessum hlaupum. Rekur mig út sama hvað ég kvarta og kveina. Á móti kemur að ég skipti mér mikið afþví hvað hann borðar. Múhahaha !

Ekkert nýtt að frétta í verkfallsbransanum, allt að verða vitlaust. Þessi mynd er tekin á mótmælum á þriðjudaginn en þá söfnuðust 10 þús manns niður í bæ. Það var frekar magnað ! Það hefur verið skrifað töluvert um þessi verkföll á mbl þið getið lesið um þetta hérna, hérna og hérna.

Frá okkar sjónarhorni séð þá erum við ótrúlega þakklát gagnvart því fólki sem er í verkfalli til að berjast fyrir betri framtíð fyrir börnin okkar. Það er alveg ótrúlegt hvað það er búið að skera niður þjónustuna á leikskólunum hérna bara síðan að við fluttum. En bara sem dæmi þá er síðan við fluttum búið að taka af matinn í hádeginu, banna fastráðningar, minnka hlutfall leikskólakennara og kostnað ófaglærðra og s.frv. Þetta eru breytingar sem hafa áhrif á okkur sem fjölskyldu. Það absúra í þessu öllu er síðan að það á að lækka leikskólagjöldin á kostnað þjónustunnar. Það þrátt f að allar kannanir sýna að foreldrar VILJA borga meira fyrir betri þjónustu.
Ég er amk búin að leggja okkar að mörkum í þessari baráttu, það er litla sem við höfum getað gert. En við höfum blokkarað stofnanirnar og farið í mótmælagöngur.
En þrátt fyrir að ég styðji verkfallið þá vona ég innilega að þessu fari að ljúka, við söknum öll hversdagsins og rútínunar þrátt fyrir að við reynum að vera jákvæð. Við krossum fingur fyrir því að þetta leysist sem fyrst. Vonandi förum við öll í skólann á mánudaginn.

Ég set alltaf reglulega inn myndir á myndasíðuna en er búin að taka linkinn út. Þið sem viljið fá hann sendann sendið mér email á totaeinars "at" gamil.com. Túttilú !

Ennþá verkfall í fritidshjemmet, leikskólanum og vöggustofunni. Meira að segja skólinn var lokaður þri/mið/fim strákunum finnst reyndar ekkert leiðinlegt að hanga heima og hafa það huggulegt með okkur Jóni Gauta.

En allt tekur enda og Einar Kári þurfti að fara í skólann í morgun. Ekki hress, hálfgargaði á okkur að það væri sko ekki gaman að vera í skóla. Það er "hård arbejde" eins og hann orðaði það sjálfur. Ég var eitthvað að reyna að lokka upp úr honum hvað væri svona erfitt en það var fátt um svör. Loksins stundi hann því upp að það væri rosalega erfitt að þurfa að perla svona mikið, elsku karlinn minn. Hann er ekki mikill perlugerðarmaður.

Annars hefur þetta verkfallsstúss haft lítil áhrif á okkur, eða við reynum amk að vera jákvæð gagnvart því. Við höfum haft það þannig að Gummi fer í vinnuna snemma og kemur heim um 3 og þá fer ég niður á safn og les til 6. En vonandi fer þetta að leysast og við að komast í rútínu. Ég er dauðhrædd um að JG taki því ekkert vel að fara aftur í vöggustofuna. Hann er alveg komin með móðursýki á háu stigi núna :/

En framundan er helgin með lærdómi og matarboði, en nágrannar okkar eru að koma í matarboð. Íslenskt lambalæri með det hele :D

Góða helgi gott fólk

Verkfallsverðir

er það hlutverk sem við strákarnir erum búin að vera í sl 2 daga. Við erum búin að standa fyrir framan vöggustofuna hans Jóns og varna starfsfólki inngöngu. Það er gert til að mótmæla fyrirhuguðum niðurskurði kommununar (bæjarfélagsins) til barnaheimila, vöggustofa og fritidsheimila. Til þess að starfsfólkið þyrfti ekki að fara í verkfall þá ákváðum við foreldrarnir að styðja þau frekar í því að komast ekki inn í leikskólann og þ.a.l ekki missa laun. Snilldar fyrirkomulag. Við höfum haft það svo huggulegt, sitjandi í 23°hita og sól með góðu fólki. Allir starfmennirnir af leikskólanum urðu að vera á staðnum líka, þannig að við sátum bara og kjöftuðum. http://www.123hjemmeside.dk/ellevang/5133701 hérna er heimasíðan um verkfalliðþ

Annars var fyrsti foreldrafundurinn í skólanum hans Einars, það var verið að ræða komandi vetur og lúxus vandamálin sem eru tilstaðar td eins og hvort afmælisgjafir eigi að kosta 20-25-30 dkr eða hvernig eigi að standa að boðsbréfum í afmælisveislur. Á að bjóða öllum bekknum, bara stelpum eða bara strákum, það sér það hver sem er að þetta er vesen, tíhí. En í lok fundarins var framboð í foreldraráð bekkjarins og ég gat ekki setið á mér að bjóða mig fram, komst að og er lukkuleg með það. Finnst það reyndar fyndið í ljósi þess að á Íslandi upplifði ég það ítrekað að það þurfti að draga nöfn foreldra úr hatti til að manna foreldarfélagið. Sinn er siðurinn í hverju landi. Hérna er kosið um að komast í foreldarfélagið en heima er fólk dregið í það.

Annars er framundan góð helgi með nóg að gera, hluti fer í lærdóm en annars eru matarboð og annað grín í gangi. Næsta vika er svo undirlögð í verkföll.

Þetta er hann Jón Flón, en hann gengur undir því nafni hérna heima. Þýðir lítið að útskýra þennan brandara fyrir dönum, en það er ss líka allt í lagi. Þeir þurfa ekki að skilja allt. En aftur að honum Jóni, hann er fyndinn strákur. Hann er búin að átta sig á alvöru lífsins og valdabaráttunni á heimilinu. En hún snýst um það að sá sem er með fjarstýringuna hann ræður ! Við erum með 2 sjónvörp og nokkuð af græjum og því eru fjarstýringarnar margar. En Jón lætur ekki plata sig með einhverjum fratfjarstýringum sem stýra bara DVD spilurum og videoum. Hann þekkir sko aðaltækið og BRJÁLAST ef hann fær það ekki í hendurnar. Það er sko ekkert grín að vera nálægt honum þegar hann tryllist. Einar er búin að biðja mig um að halda honum í fjarlægð þegar hann er með vini sína í heimsókn. Það er greinilega ekkert grín að vera undir hælnum á 1 árs gömlum bróður sínum. Við foreldrarnir skiljum hann vel, en við erum líka skíthrædd við litla dýrið.

Nóg um Jón og að skemmtilegri umræðuefnum. Við vorum með frábæra gesti um helgina, Karen og Grétar eru náttl alveg spes. Sem betur fer, því miður þurftu þau að drífa sig heim því að Karen þurfti að gera eitthvað í sambandi við vísitöluútreikning í seðlabankanum. Grétar les ekki þetta blogg þannig að ég nenni ekkert að vera fara nánar út í það hvar hann eyðir tímanum.

Skólinn hjá mér er ÆÐI, ég er komin í frábæra lesgrúbbu og við hittumst alltaf fyrir fyrirlestrana. Það hjálpar manni aðeins til að skilja efnið. En það er ótrúlega mikill lestur og það er ekki séns að komast yfir að lesa allt fyrir hvern tíma. En það er bara þannig.

Guðni er núna í þessum skrifuðu orðum á Koloní en hann fór þangað með leikskólanum og verður þar í 2 nætur. Við söknum hans pínu en það er svo mikið að gera hjá okkur að við náum lítið að spá í það að það vantar einn.

Annars erum við almennt hress, veðrið er lúxus ég hjóla berfætt á stuttermabol í skólann. Frábært alveg :D

Gestirnir komu og fóru, þetta var auðveldara en ég hélt. Maðurinn Freideman er ss frá Þýskalandi og konan Ólí er kinversk og þau kynntust í Japan. Spes. En þau eiga 2 krúttlega krakka og það var bara mjög sniðugt að hitta þau. Ég og Ólí gátum talað saman á þýsku þannig að þetta var fínt, ég hafði smá áhyggjur af tungumálahindrunum í samskiptunum, en þetta gekk smurt. Dejligt.

Helgin var fín að venju, voru með gesti í mat á laugardaginn. Tómas vinnufélaga Gumma, Barböru konuna hans og strákana þeirra tvo. Við vorum með íslenskan mat, flatkökur með hangikjöti, lambalæri og ostaköku. Ég held að þau hafi bara verið ánægð með það. Ekki jafn ánægð og við en við erum alltaf alveg einstaklega ánægð með íslenskan mat, það er nánast pínlegt hvað við hrósum honum mikið. Það er ekkert að því að vera þjóðernissninni, tíhí.
Á sunnudaginn tók ég mig svo til og bakaði kleinur í fyrsta sinn á ævinni, tvöfalda uppskrift -ekkert rugl- við buðum síðan Þóru og Danna í herlegheitin. MJÖG ánægð með kleinurnar -þó að við segjum sjálf frá-.

Myndir vikunnar eru frá síðasta laugardegi en ég fór með strákana í bambadýragarðinn á meðan Gummi þreif og skúraði. Stuð. Þetta er svo krúttlegir strákar sem við eigum að ég stóðst bara ekki freistinguna að monta mig af þeim.

Karen og Grétar koma svo á morgun, það verður mikið grín mikið gaman, ef ég þekki okkur rétt. Gaman, gaman.

Þessi mynd var tekin hjá Kára þar síðust helgi. Sýnir svolítið stemninguna en kvöldið endaði með því að strákarnir fengu að gera "snorbrød". En það er brauðdeig sem sett er á pinna og eldað yfir opnum eldi. Mjög sniðugt og skemmtilegt.

En annars er ég mest upptekin af skólanum þessa dagana. Fyrsti dagurinn var á þriðjudaginn í síðustu viku. Það var dagskrá allan daginn, ýmiskonar fyrirlestrar og endað í sameiginlegri matarveislu. Ég verð nú alveg að viðurkenna að mér leið ekkert sérlega vel fyrst, ráfandi um ein og yfirgefin. Svo skildi ég ekkert í ræðu rektorsins (komst sem betur fer að því seinna að enginn hafði skilið neitt í henni, tíhí) og mig langaði mest til að hringja í Gumma og segja við hann að ég væri hætt við þetta allt saman. Ég ákvað samt að þrauka daginn, og endaði á að skemmta mér stórvel. Kom heim um kvöldið og pantaði mér skólabækur f um 20 þús íkr. Núna bíð ég spennt eftir að fá bækurnar og geta kastað mér yfir fræðin. Við erum frekar fá í bekknum (um 30) og flest stelpur á mínum aldri og yngri. Mér líður þannig núna að ég get ekki beðið eftir að mæta í skólann á þriðjudaginn í næstu viku. En ég verð í skólanum þriðjudaga og miðvikudaga frá 10-14. Mjög sniðugt !

Í öllu þessu skólastússi hafði ég líka tíma til að kíkja á Madonnutónleika með Þóru og Danna vinum okkar í Horsens. Mér fannst tónleikarnir ekkert spes, þannig séð. Það var rosalega mikið af fólki og það var lítið hægt að sjá hana á sviðinu. En svona er þetta með stórstjörnurnar :D En ég var í góðum félagsskap og það er það sem telur, eða hvað ? Gummi var líka í góðum félagsskap hérna heima en hann var með okkar stráka og 2 auka stráka en vinnufélagi hans og konan hans fengu miða á síðustu stundu. Gummi stóð sig eins og hetja í pössunarmálunum, rúllaði þessu upp eins og hann hefði þetta að atvinnu.

Helgin var frábær að venju, við fórum til Þóru og Danna og kíktum á Miðaldarhátið sem var í Horsens. Gistum og fórum svo í gær í sund, en Horsens er með eina af flottari sundlaugum sem við höfum farið í, heit og fín. Algert delúx.

En núna er mánudagur, við erum að fara að fá gesti á miðvikudaginn. Vinur Gumma síðan í þýskalandi og konan hans eru að koma með 2 börnin sín. Þau ætla að gista í 1-2 nætur. Það er svolítið spes að vera að fá fólk í heimsókn sem maður hefur aldrei séð en um leið voðalega spennandi. Við vitum bara að Friedeman (vinur Gumma) er búin að vera mörg ár í Japan og hann getur þess vegna verið giftur japanskri konu sem talar kannski ekki ensku eða þýsku. Mér finnst þetta alveg frábært.

Í dag var fyrsti dagurinn sem Jóni Gauta fannst gaman í vöggustofunni. Honum fannst bara alveg reglulega gaman, hló og gerði grín. Þetta eru búnar að vera erfiðar 3 vikur fyrir hann. En núna er hann búin að átta sig á því að þetta er viðvarandi ástand. If you cant beat them, join them. Það er svo mikið þannig.

Einar Kári er í skýjunum með skólann sinn, strákarnir í bekknum eru skemmtilegir og það er margt að gerast. Fritidshjemmet er líka snilld.

Guðni Þór var að byrja í skovhuset í dag er þangað fer hann 2x í viku í talþjálfun og æfingar. Hann er ss í sama prógrammi og Einar var í síðasta vetur. Það er fínt. Við þekkjum þetta og vitum við hverju er að búast.

Helgin var frábær að venju við fórum í ævintýralega veislu á laugardagskvöldið en Kári frændi hélt upp á 18 ára afmæli hans Gísla sonar síns. Það var haldið undir berum himni og þegar við vorum búin að vera í ca 1 klst byrjaði að STURT rigna. Sem betur fer var búið að setja upp tjöld sem við gátum farið undir en það var svo mikil rigning að það var ekki hægt að tala saman. Sem betur fer stytti fljótt upp en það var blautt, blautt, blautt, en gaman, góður matur og skemmtilegur félagsskapur. Strákarnir skemmtu sér konungalega við að leita af froskum og eltast við hvorn annan. En það voru margir strákar á staðnum.

Bera frænka og hennar hyski kom svo í morgunkaffi á sunnudeginum og Þóra, Danni og börn kíktu við í kaffi sem endaði í matarboði. Alveg frábært. Núna erum við bara að finna upp á leiðum til að halda Þóru og Danna eins lengi og við getum í landinu. Það væri nú svart ef þau færu að yfirgefa okkur eins og allir hinir. Kannski hefur það eitthvað með okkur að gera hvað allir eru viljugir til að flytja til Íslands ? Hver veit ???? Vonum samt ekki.

Amma Tóta var hjá okkur í viku, þetta var góð vika með fínu veðri ekki of heitt en sól og blíða alla daga. Amma kom til að skemmta mér á meðan Jón G var að byrja í aðlögun. Sem betur fer, því að JG var ekkert sérlega sáttur við að vera skilin eftir hjá einhverjum ókunnum konum, en það venst eins og allt annað. Hann er núna farinn að vera í vöggustofunni frá kl 8:30 til 14 og er það bara nokkuð gott miðað við aldur og fyrri störf. Hann er að vísu ekki sáttur allan tímann og sefur stutt en hann fær að sitja í vagni og horfa á hin börnin leika sér. Það finnst honum ágætt.

En við amma fórum ss víða, kíktum til Silkeborg og Ry, og ekki má gleyma tuskubúðunum hérna í Århus en við keyptum okkur nokkrar flíkur. Það er alveg best í heimi að kaupa föt með ömmu, hún er svo mikil smekksmanneskja. Ég keyrði hana svo út á flugvöll í gær og finnst skrítið að hún sé farin heim. En svona er þetta.

Alvara lífsins hefst svo á morgun hjá Einari Kára en á morgun er fyrsti skóladagur. Við foreldrarnir förum bæði með, myndum viðburðinn og látum eins og barnið okkar sé fyrsta barnið sem fer í 6 ára bekk. Tja svona er þetta. En hann fer með fína skólatösku frá ömmu Hildi og pennaveski frá Ósk frænku. Ekki amalegt það.

Nýr mánuður, ný byrjun. Jón Gauti orðin vöggustofubarn og Einar Kári byrjaður á Fritidshjemmet. Gerist ekki mikið betra en það. Svona svipað og veðrið hérna í Júlí, bara lovely. Besti júlímánuður í mannaminnum.

Persónulega var júlímánuður líka góður fyrir okkur, búið að vera ljúft, fullt af fríi, rólegheit, bjór og sól. Sl helgi endaði svo júlí og líka ljúfalífið, kvöddum það með góðu fólki. Tengdó komu hingað og voru yfir helgina, Ósk systir hans Gumma skellti sér með og hún gisti meira að segja hjá okkur. Það var æði að hitta þetta góða fólk og við hlógum mikið. Fórum lítið, sátum aðallega úti í garði og spjölluðum. Huggó !

Núna er bjórbann (nema á föstudaginn þegar Þóra og Danni koma :Þ) og megrun. Svona er lífið. Skólinn byrjar svo hjá mér 22 ágúst með 3 daga kynningarfundum og skemmtunum. Spennó.

Komin heim frá köben, búin að þvo fjall af þvotti og hversdagurinn komin í allri sinni dýrð.

Köben er æði og hún var alveg jafn mikið æði núna eins og alltaf áður, við erum endalaust skotin í borginni. Ég væri sko alveg til í að búa þar með öllum sem við búum með hérna. Við vorum td í mat í gær hjá foreldrum leikskólavinar strákana. Það var rosalega gaman, sátum úti í góða veðrinu og átum, drukkum og vorum glöð.

Annars er Gummi byrjaður að vinna aftur, skildi mig eftir með alla drengina þannig að það er búið að vera prógram upp á hverja mínutu. Þar kemur leikskólakennaragráðan sér vel, ekki það að ég myndi nú ss alveg fatta að skipuleggja þó að ég væri ekki B.ed. Hehe.

Núna eru hérna 5 strákar í Yo-gi-yo partýi, það var byrjað með pizzasnúðum og djúsi. Svo var farið upp að horfa á Yo-gi-yo DVD sem strákrnir voru að kaupa sér. Það heyrist ekki orð í stráknum, svei mér þá ef það er ekki bara auðveldara að hafa 4+, kannski maður ætti að skella í annan strák. Held ekki ! Fæ bara lánað ef mig vantar, af nóg er að taka.

Hilsen úr sólinni.

Jón Gauti er orðin 1 árs strákur. Hann átti afmæli í gær og byrjaði dagurinn á gjöfum frá okkur, ömmum og öfum á Íslandi. Drengurinn þakkar mikið fyrir sig og biður mig um að skila því til ykkar allra að hann er sæll og glaður með nýja dótið sitt og nýju fötin sín.

María, Pálmar kínafara og börnin þeirra komu svo í síðbúin morgunmat. Þau sátu fram eftir degi úti í garði í huggulegheitum, ekki amalegt að hafa góðan garð þegar það er 25° og sól.

Á föstudaginn var líka stór dagur hjá Einari Kára en þá var síðasti dagurinn hans í leikskólanum. Núna er hann ekki lengur leikskólabarn heldur skólastrákur. En þeir voru 3 félagarnir að kveðja, við buðum til veislu með pizzasnúðum, pulsuhornum, saft og grænmeti. Svaka stuð.

Talandi um Einar þá sagði hann við mig um daginn þegar við vorum að ganga heim úr leikskólanum og vorum að dáðst að JG, oh mamma erum við ekki heppin að eiga svona stóra sól í lífi okkar sem hann JG er. Awww þetta varð náttl alveg til þess að ég bráðnaði á staðnum, og síðan þá er JG yfirleitt kallaður sólin. Fer honum bara vel.

Komin heim eftir dásamlega ferð. Umm Bella Italía er í okkar huga mikið meira en nafnið á tjaldstæðinu sem við vorum á. Þessi ferð var frábær í alla staði. Ferðasagan er í stuttu máli á þessa leið.

Við keyrðum af stað á sunnudeginum, komum við hjá vinum okkar í köben og fengum okkur kaffi og með því með þeim. Keyrðum svo niður að bátnum sem fór frá Gedsted í DK yfir til Rodstock til DDR. Við vorum komin þangað um 7 leytið um kvöldið og svo keyrðum við alla nóttina og um 9 leytið um morgunin rendum við í hlað á tjaldstæðinu þar sem við gistum næstu 2 vikurnar í fínu sumarhúsi.

Tjaldsvæðið er frábært en það liggur niður að gardavatni, það var allt af öllu á svæðinu, margar sundlaugar, barir, veitingastaðir og verslanir. Staðurinn stóð svo sannarlega undir þeim 4 stjörnum sem hann prýðir. Fær öll okkar meðmæli amk.

Við notuðum ferðina vel, fórum meðal annars til Feneyja og Veróna. Skoðuðum okkur vel um í hinum ýmsu litlu bæjum sem liggja í kringum vatnið. Ekki má gleyma vatnsrennibrautagarðinum og kvikmyndagarðinum sem strákunum fannst hámark ferðarinnar.

En við erum alveg orðin ástfangin af Italíu eftir þessa ferð, maturinn er svo góður, umhverfið er svo fallegt, Italir eru svo barngóðir og veðrið alltaf gott. Bara ljúft !

Á leiðinni heim keyrðum við til Frankfurt og vorum þar hjá vinum okkar í 2 nætur. Það var frábært að hitta þau, en ekki alveg jafn skemmtilegt að hitta þjóðverjana. Alveg merkilega leiðinleg þjóð, skil ekkert í okkur að hafa getað búið þarna. Sérstaklega ekki Gummi sem eyddi þar tæplega 8 árum. Fuss og svei.

En núna erum við komin heim, búið að þvo margar vélar af þvotti. Strákarnir fóru í leikskólann í morgun og Einar sagði eftir 2 mín, drífðu þig heim mamma, vinir mínir eru alveg "vild med mig". Krúttið !

En það eru nýjar myndir á myndasíðunni, og það er alveg óhætt að kommenta. Annars fer ég að gráta. Buhu

Sit herna å hotelinu allt of snemma morguns. Tad var rosalega gaman i gær, otrulega vel heppnad allt og taulskipulagt. Tad var eitthvad fyrir alla, krakka og fullordna. Matur, drykkir og skemmtun.

Eg for a Karen Blixen safnid og tad var ogleymanlegt, virkilega flott og vandad i alla stadi. Mæli med stadnum.

Annars utskrifadist eg i gær, er loksins ordin B.ed. I tessum skrifudu ordum er umsoknin min i mastersnamid a leidinni til Hafdisar vinkonu sem ætlar ad sækja um fyrir mig aftvi ad eg verd vant vid latin a Italiu. Vid keyrum tangad a eftir, bid ad heilsa og sennilega heyrist eitthvad litid fra okkur næstu vikurnar. Vid verdum med gsmin hans Gumma ef tad tarf ad na i okkur.

Allt í volli og ég orðin veik. Einmitt þegar það mátti ekki gerast þá veiktist mamman á heimilinu. Vaknað með beinverki og hálsbólgu í gær. Gummi var heima að hugsa um JG en ég fór þó að útskriftarveislu Einars Kára úr Skovhuset en það er talþjálfunarstaðurinn hans. Tók bara 3 panódil og þá varð ég "fersk".

En annars erum við bara hress, eigum bara eftir að pakka, slá grasið og svoleiðis smáatriði. Það er á dagskránni í dag. Annars skil ég ekkert í þessu með linkana afhverju þeir eru ekki efst á síðunni eins og þeir voru alltaf. En myndasíðan okkar er enn í gangi og nokkrar nýjar myndir komnar. Veit ekki alveg hvernig þetta verður á Italíu, það verður bara að koma í ljós.

Hrós vikunnar fæ ég sjálf afþví að ég er ekki búin að vera að fríka út yfir því sem á eftir að gera. Alveg orðin dugleg í að sssslaka á. Tíhí.

Skrítin vika, skrítin helgi. En dagskrá helgarinnar var þéttpökkuð með matarboðum og öðrum skemmtilegheitum. Hvað gerðist þá ??? Nú Einar veiktist, aftur. Alveg merkilegt, ég fékk tíma hjá heimilslækninum okkar og fékk hann til að samþyggja blóðprufu sem var tekin seinna sama dag. Ég fékk niðurstöðurnar áðan og þær eru eitthvað brenglaðar og benda til sýkingar einhverstaðar, sem er ekki skrítið í ljósi þess að Einsi hefur verið veikur hverja einustu viku núna í 8 vikur. Fjúff. En við eigum ss tíma hjá lækninum aftur á fimmtudaginn.

Annars vorum við hin líka veik, gubbupest og hár hiti þannig að það var ekki margt afrekað. En annars stefnir allt í áttina að Italíu, þvo föt og þrífa hús. Gaman að því.

Það er greinilega komið sumar og sól með tilheyrandi gestakomum og almennri útiveru. Við höfum engan tíma til að blogga í svona góðu veðri. Ég ætla nú samt að reyna mitt besta.

Hérna á myndinni til hliðar má sjá þá félaga Mads og Einar Kára á lokahátíðinni í leikskólanum. Þeir tróðu upp í sirkus og léku þar "sterka menn" sem voru með ýmiskonar töfrabrögð. Lyftu lóðum, beygðu járn og ýmislegt fleirra sem er á sterkra manna færi.

Ef grant er skoðað á myndinni má sjá að litli/stóri strákurinn minn er útgrátinn en hann fékk svo íllt í magann rétt áður en hann átti að fara á svið. Elsku karlinn alveg útúr stressaður.

Eftir sirkusinn var matur sem við foreldrar barnana höfðum útbúið og sátum við úti í sól og sumri og gúffuðum í okkur. Það kunna danir að hittast og "hygge" sig með mat og öli. Gaman að því.

Um kvöldið komu svo vinir okkar frá Köben þau Gunni og Þórarna með börn. Þau voru "aðeins" 5 klst á leiðinni að keyra sem tekur yfirleitt um 3 klst. Úff, en við brölluðum heilmargt með þeim, Gummi og Guðni fórum með þeim á skagen og daginn eftir fórum við í Givskud dýragarðinn. Ljúft og gott.

Á þriðjudaginn komu svo Gummi og Hafdís frá Íslandi til okkar. Við fórum svo á depeched mode tónleika. Svo óheppilega vildi til að barnapían okkar hún Heiðbrá þurfti að fara til Íslands í hvelli og stóðum við því uppi barnapíulaus. Eftir að Gummi hafði barmað sér yfir pössunarleysi í vinnunni buðust nokkrir vinnufélagar hans til að passa og koma hann Tómas nágranni okkar og sat hjá Jóni í 5 klst. JG var EKKI ánægður með þetta og endaði á því að gubba á hann í frekju yfir að fá ekki mömmu sína, ég held að Tómas bjóðist aldrei til að passa aftur og vakni upp með martraðir um þetta skelfilega barn. JG er nefnilega frekjuhólkur og það verður þannig í framtíðinni að við eigum öll eftir að snúast í kringum hann. Svona er að vera yngstur.

Það var gaman að hafa G&H í heimsókn, þetta var mest afsleppesli og huggulegheit. Bjór úti í garði og rölt á strikinu. Eftir að þau fóru á laugardaginn ákváðu við hjónin að fara í megaskipulagsbreytingar á húsinu. Þannig að núna er allt í drasli. Vúhú ! Þannig að þessi vika fer í tiltektir og málingarvinnu. Aldrei dauðstund á flintó, það er alveg öruggt. Tíhí.

Úff langt síðan ég bloggaði, en það er ástæða fyrir því. Hann Jón Gauti varð í fyrsta sinn alvöru veikur, þá erum við að tala um 40° hita og alles. Við snarhættum við sumarbústaðaferðina og skiptumst á að halda á honum og sinna heimilinu og stóru strákunum. Það var ýmislegt skemmtilegt gert ss farið í bíó, tívólí og bæjarferðir. Gaman gaman.

En núna er Jón Gauti orðinn hress og lífið komið í sínar skorður aftur. Lovely alveg. Fáum gesti um helgina, vinir okkar sem búa í Köben. Við finnum okkur áreiðanlega eitthvað skemmtilegt að gera.

Í lokinn smá mont, finnst ykkur ekki maðurinn á myndinni sætur og peysan sem hann er í giiiiðveik ? Peysan er nú hálfpartin í boði mömmu þar sem hún borgaði lopann en ég prjónaði. Vúhú er voða stolt af mér.

Bjór og grjónagrautur í kvöldmat. En mér til afsökunar þá leiddist mér svo alveg hryllilega að ég ákvað að opna mér eins og einn bjór með matnum. Mér leiddist svo afþví að Jón Gauti og ég erum búin að vera ein í allan dag. Fórum snemma að sækja strákana svo tíminn myndi nú eitthvað líða við að rexast í þeim. Nei, nei þá fóru þeir í heimsókn til vinar síns, litlu unglingarnir mínir. Var búin að elda grjónagraut handa strákunum þannig að þetta varð þessi absura samsetning. Ég byrja bara í megrun á morgun !

Annars er Gummi í Svíþjóð alveg að rokka, búin að mingla við einhvern topp hjá phillips, en hvað veit ég ss um það. Anyways þá sagði ég við hann ef hann myndi rekast á polaren och pyret þá vantaði strákana föt fyrir sumarið og næsta vetur. Áður en ég vissi af var hann búin að kaupa barnaföt fyrir óggislega mikin pening. Mikið meira en ég tími nokkurn tíman að kaupa. Sniðug ég að senda kallinn í svona rándýra búð en hann hringdi í mig með öndina í hálsinum afþví að það var allt svo "óggisliga töff". En núna sit ég ss búin með 2 bjóra og grjónagraut, alveg hress !

Römö var æði, fallegt landslag, flott tjaldsvæði, afmæli, hestaferðir, trampólín, góðir gestir og gott skap. Bara eins og hlutirnir gerast bestir. Féllum alveg fyrir staðnum og umhverfinu. Vorum svo ánægð með ferðina að við pöntuðum okkur sumarhús við skagen næstu helgi. Það er reyndar spáð leiðindaveðri, þannig að við ætlum aðeins að anda í þetta. Sjáum til, sjáum til.

Ég fór svo í próf á föstudaginn, gekk ágætlega. Þar með er ferli mínum í kennó lokið í bili. Er búin að láta þýða námsferilinn og svo er bara að sækja um í master á næstu önn. Þetta hefur allt sinn gang.

Gummi er að fara til Svíþjóðar á námskeið núna á eftir og kemur aftur á þriðjudagskvöldið. Vona að hann sakni okkar ekki of mikið, hehe.

Takk fyrir afmæliskveðjurnar og afmælisgjafnirnar til Einars Kára. Hann var himinlifandi með gjafnirnar og ætlar að kaupa sér skólatösku fyrir peningana sem hann fékk. Algerlega hans hugmynd *hóst*.

Hérna eru myndirnar en likarnir sem eiga að vera hérna við hliðina eru komnir neðst á síðuna. Kíkið á stemninguna.

Þetta er veðrið á Römö næstu daga. Ekkert leiðinlegt. Hinsvegar var hringt úr leikskólanum og ég beðin um að sækja hann Einar Kára afþví að hann var komin með hita. Það passaði ekki alveg inn í plönin hvorki hjá mér eða þeim bræðrum. Þeir ætluðu nefnilega heim með Mads vini sínum eftir leikskóla og við foreldrarnir ætluðum á foreldrafund. Fyrir utan allt sem átti eftir að gera fyrri sumarhúsferðina. Arg !

Ég á móðursystur sem sagði einu sinni um elsta og þá eina barnið sitt sem veiktist á aðfangadag. Blessað barnið var með 40° hita og mjög slappur. Þá kom þessi fyrrnefnda móðursystir mín með þá smellnu setningu "ekki læt ég helvítið hann xxxx eyðileggja fyrir mér jólin". Stundum líður mér þannig með EKG, hann verður alltaf veikur ef eitthvað stendur til. Man t.d varla eftir afmæli hjá honum þar sem hann hefur ekki verið alveg fárveikur. Ef það væri nú bara afmæli þá myndi ég ekkert segja, en við erum að tala um nánast öll ferðalög líka. Eins og við erum nú ferðaglöð fjölskylda. Jæja anyways þá förum við á eftir hvað sem tautar og raular. Með afmælisgjafnirnar og góða skapið. Túttilú !

Einar fótboltastrákur er byrjaður að æfa fótbolta. Kominn með græjurnar, takkaskó keypta á ebay, legghlífar og bolta. Fótboltagallana á hann nokkra, en amma og afi í Barmó hafa verið dugleg að kaupa fótboltagalla á strákana í gegnum tíðina. Gaman að því.

Af okkur er allt gott að frétta svona annars, erum að fara í sumarhús á eyjuna Römö næstu helgi, en það er 3ja daga helgi. Römö er rétt fyrir utan Esbjerg, ég er með "lista" yfir staði sem mig langar að sjá meðan við búum hérna. Römö er einn af þeim, svo og Skagen, Bornholm og Sönderborg. Spennó, en við höldum upp á 6 ára afmælið hans Einars í sumarhúsinu.

Annars erum við lítið inni við þessa dagana, sumarið er komið með 20°+ hita og sól. Lovely.

Ekki dauð bara þreytt eftir Íslandsferðina, komum heim fyrir rúmlega viku og erum núna fyrst að detta í gírinn. Úff, alveg brjálað að gera hjá okkur öllum og nóg er stuðið.

En Íslandsferðin var æði, við náðum að hitta marga en alls ekki alla. Það er bara þannig. Þökkum fyrir okkur.

En annars erum við hjónin hálfgert fatlafól þessa dagana, ég gerði heiðarlega tilraun til að skera af mér þumalfingurinn með nýju dýru eldhúshnífunum mínum. Komst samt að því að þeir eru með SVAKA gott bit, enda á skadestuen og det hele.
Gummi tók síðan skurk í garðinum á laugardaginn, plantaði fullt af blómum, reitti beð og sló grasið. Ægilega myndarlegur, þetta endaði þó ekki vel þar sem hann fékk svo rosalega í bakið að hann gengur um haltrandi og stynjandi. Alveg að drepast í bakinu, greyið kallinn. Hann er búin að fara til læknis sem sendi hann í sjúkraþjálfun. Þó fyrr hefði verið segi ég nú bara.

Framundan er gott veður, sól og sumar skv veðurfræðingunum, ég er í óða önn að pakka niður vetrarfötunum, taka upp stuttbuxurnar og stuttermabolina. Gleði, gleði og gaman. Styttist óðum í komu Hafdísar og Gumma en þau eru að koma í heimsókn og við ætlum á tónleika með depeched mode þann 7 júni. Erum búin að kaupa súpersæti, panta sól og sumar. Eigum bara eftir að redda barnapíu, anyone ???

Við vöknuðum með bros á vör á mánudagsmorguninn. En við vorum allann sunnudaginn með góða vini í heimsókn. Því miður engar myndir en myndavélin ákvað að bila, spes tímasetningar sem myndavélarnar okkar bila á. Alltaf rétt áður en við förum til Íslands, en núna eru bara 4 dagar í brottför. Ennþá 1000 hlutir sem á eftir að gera, t.d 1 stórt verkefni fyrir skólann. En hey hvað er það milli vina ! Ég bara spyr. Er þó að fara niður í bæ á eftir að grynka á listanum.

Myndin hérna fyrir ofan er af Lake Tota, ég er stolt og hrærð yfir því að einhverjum hafi dottið í hug að skíra vatn í höfuðið á mér. En þessi skemmtilega mynd poppaði upp þegar ég gúgglaði nafnið mitt. Týpiskt eitthvað sem maður gerir þegar maður á að vera gera eitthvað annað ! Humm.

En kæru vinir, það er allt að verða uppselt í sæti á "hittatótuoggummaáíslandi" eitthvað er laust í stæði þó. Hafði samband við mig á emilinn minn totaeinars at gmail.com. ef þið eruð spennt að heyra nýjustu sögurnar af okkur. Ótrúlegt en satt þá ratar nefnilega ekki allt á netið og af nóg er að taka eins og venjulega. Gummi að skandalísera og svona, múhahaha !

Hastalavista.

Gardavatn en þar verðum við næsta sumar í 2 vikur, við erum voðaspennt. Við verðum viið suðurenda vatnsins klst akstur frá Verona. Við ætlum að keyra þangað niðureftir. Einar frændi og fjölskyldan hans ætlar að koma líka og vera með okkur í viku.

Danir eru líka voða spenntir yfir sumrinu, það er kominn sumartími hérna í DK og allir nágrannar okkar búnir að setja út sumarhúsgögin sín. Skiptir engu máli þó að það sé skít kalt, skrítnir þessir danir ! En núna er s.s 2ja tíma munur á Íslandi og DK.

Ég er byrjuð í ræktinni, loksins ! Gummi píndi mig afstað, ég hef svo oft pínt hann en nú var komið að mér að fara. Ég fór í gömlu ræktinni þar sem Gummi er líka að æfa, við getum þá farið saman um helgar og sett strákana í barnagæsluna þar. Það besta við ræktina er samt að það er sérhæð fyrir konur og gamalmenni. Einhverjum kann að þykja skrítið að þessir hópar séu settir saman en mér finnst það snilld. Þá slepp ég við testósteronfríkin sem eru í gömlum svitabolum að æfa. Það er fátt sem mér þykir ógeðslegra heldur en að finna lykt af næsta manni í ræktinni. Jæks, svona mannalykt. Ojbara og ullabjakk.

Annars var nóttin svefnlítil, Guðni greyið grét nánast í alla nótt. Hann kvartaði um í eyrunum, tönnunum, höfðinu og barasta öllu. Ekki gaman. Jón Gauti var líka aldrei þessu vant eitthvað pirraður. Skrítin nótt á Flintó, við sem sofum alltaf eins og steinar. Vonandi fæ ég tíma fyrir hann hjá lækni í dag.

Helgin enn einu sinni, voða gaman. Nóg að gera þessa helgi eins og flest allar aðrar. Við erum að fara til Horsens í 1 árs afmæli hjá Arnóri vini okkar en hann er bróðir hennar Elísabetar Mist. Þau systkinin voru í mat hjá okkur um daginn með foreldrum sínum og föðurbróðir. Gaman að því !

Annars er fátt að frétta en mikið að gerast, það lítur út fyrir að kennó sé búið að klúðra vettvangsnáminu mínum, ég er mjög fúl yfir því. En verð samt sennilega að skrifa mistökin á menningarmun milli landa. Danir eru svo úber skipulagðir að það er ekki hægt að koma inn sem nemi á vettvang með korters fyrirvara eins og kennararnir mínir í kennó voru að reyna. Hundfúlt en svona er það bara, verst með lánasjóðinn. En Lín, svín er nefnilega ekkert grín. En hlutirnir fara oftast eins og þeir eiga að fara. Bara spurning um að ná áttum og hætta að svekkja sig.

Gummi er að brillera í vinnunni, þeir voru með fund um daginn hvernig ætti að lokka nýja kúnna til fyrirtækisins. Gummi sagðist nú aldeilis hafa reynsluna af því, fá kúnnana í heimsókn, halda fyrir þá kynningu á fyrirtækinu, hella þá fulla, fara út að borða og borga fyrir þá hótel. Díllinn í höfn ! Þetta fannst dönunum algerlega út í hött og fussuðu og sveiuðu og sögðu að svona væri ekki hægt að gera í Danmörku. Gummi er enn að spá í hvað var óviðeigandi í tillögunni, kannski hótelið hafi verið einum of mikið ? Svona svínvirkar allavegana á íslendinga !

Ég fór í klippingu í gær, á voða hipp og kúl stofu. Vildi svo gjarnan setja inn mynd af flotta hárinu en myndavélin er biluð þannig að það verður ekki núna, kannski seinna. En allavegana er þetta svakaflott stofa og til marks um það fékk ég rafmagnsnudd í stólnum á meðan ég var að bíða eftir litnum. Frekar huggulegt að halla sér aftur og fá nudd. Mæli með þessu, borgaði hinsvegar helling fyrir klippinguna en það er hinsvegar annað mál.

Strákarnir eru hressir, stóru strákarnir ætla að gista hjá Heiðbrá og Baldvini í nótt en okkur er boðið í mat til vinnufélaga hans Gumma. Erum voða spennt fyrir því, ætlum að taka Jón Gauta með okkur. Við getum jafnvel sofið aðeins út á morgun, bara að fá að sofa lengur en til 6:30 er lúxus á þessu heimili.

Gummi á Íslandi og við Jón Gauti í gubbu. Ekki sniðugt, ég er alveg að brjálast á þessu, við mæðgin erum til skiptis hálfvolandi og Gummi kemur ekki fyrr en á morgun. Sem betur fer eru stóru strákarnir svo góðir og yndislegir að þeir hjálpa sér mest sjálfir, ef þannig stendur á. Er að hugsa um að kaupa handa þeim fullt af nammi til að borða í kvöld og vonandi fæ ég þá að vera í friði. Bjakks.

En það er ennþá skítkalt hérna, þetta ætlar engan endi að taka þetta leiðindaveður. Við erum ekki hress með það. Hörður, Anna Jóna og Högni eru líka flutt til Íslands,við erum heldur ekki hress með það. Það virðist fátt vera hressandi þessa dagana. Kannski Gummi komi með eitthvða í töskunni, hver veit.

Jón Gauti verður 8 mánaða eftir nokkra daga. Flottur strákur, farin að sitja einn og snúa sér. Nú er stutt í að við verðum að fara setja upp hlið fyrir stigaopið. Hann er svo spenntur fyrir bræðrum sínum og vill helst vera þar sem þeir eru. Það er svo gaman að sjá hvernig hann iðar alveg þegar þeir koma heim úr leikskólanum. Krúttlegt að sjá hvernig hann horfir á þá aðdáunaraugum.

Hérna er ennþá kalt, kalt, kalt, kalt. Það virðist engan endi ætla að taka. Ég er ekki hress með það. Burrrrr ! Er annars búin að vera hlýja mér undanfarna daga með því að prjóna lopapeysuna á Gumma, skveraði henni af á viku. Ánægð með mig.

Strákarnir eru í fríi í dag, starfsdagur í leikskólanum. Einar fór reyndar í talþjálfun núna fyrir hádegi og Guðni fékk vin sinn heim. Þannig að Guðni og Júlíus eru uppi að passa Jón Gauta á meðan ég hangi á netinu og er að spjalla við vinkonur mínar út um allan heim. Jáhá, maður verður að vera up to date á nýjustu sögunum. Þýðir ekkert annað, ekki gerist neitt hérna hjá okkur. Einstaka tilboð á kjöti, en hver nennir að hlusta á það ?????

Bið að heilsa heim, góða helgi gott fólk.

Festelavn er mit navn, boller vil jeg have, er búið að vera þemað sl viku. En sl sunnudag var sleginn kötturinn úr tunnunni hjá nágrönnum okkar. Þar hittust krakkarnir í götunni ásamt foreldrum sínum. Það var svaka stuð. Þetta er svona smá forsmekkur af sumrinu þegar stemningin er þannig að allir eru úti á götu með börnunum sínum og alltaf tími til að kjafta. Ægilega danskt og reglulega huggulegt.

Á mánudaginn sendi ég svo frá mér 2 ofurhetjur í leikskólann, einn Batman og einn Spiderman. Í leikskólanum var allt fullt af alskyns skrímslum, ofurhetjum og prinsessum. Algerlega einn af stæðstu dögunum í leikskólalífinu. Hefði gjarnan viljað fá að vera með, en aðeins fyrir börn. Það er bara þannig, buhu.

Gummi var á Íslandi á meðan öllu þessu stóð, missti af hasarnum og gleðinni. En hann skemmti sér voðavel á Íslandi og kom til baka með fullt af góðgæti, harðfisk og sælgæti. Mamma keypti fullan poka af lopa og nú verð ég að fara drífa mig að prjóna peysur á okkur hjónakornin. Ekki eins peysur en næstum því.

Gummi kom svo heim á þriðjudagskvöldið og á miðvikudagskvöldið fór ég út að borða með þeim mæðgum Önnu Jónu og Siggu. Mér leið bara eins og ég væri að fara á árshátið, svaka stuð. Fór í háhælaða skó og setti á mig augnskugga. Jiiii. En við skemmtum okkur mjög vel á indoneskum stað sem er niður í bæ. Feðgarnir skemmtu sér vel á meðan ég var í burtu og þeir hafa bara gott af því að vera saman án mín, sem alltaf þarf að skipta sér af öllu.

En Gummi er búin að vera vinna eins og brjálæðingur, úff ekki gaman. En svona er patent lífið, þegar skila þarf inn umsókn þá þarf allt að gerast á ljóshraða. En ég sakna hans og strákarnir sakna hans líka. Við ætlum að hafa kósi fjölskylduhelgi, elda góðan mat, fara í göngutúr og hafa það huggulegt. Kósi pósí !

Helgin framundan, lítið planað en örugglega margt gert. Inga og Árni koma í mat á laugardagskvöldið. Annars verðum við fjölskyldan bara að skemmta hvert öðru. Það er nú ekkert leiðinlegt, eiginilega bara frekar skemmtilegt. Enda mjög skemmtilegt fólk, tíhí.

Vikurnar líða og áður en við vitum af erum við að fara heim til Íslands í páskafrí. Það verður örugglega alveg rosalega gaman. Gummi fer nú eitthvað heim í millitíðinni, en það verða bara vinnuferðir. Stoppað stutt og unnið mikið (og kannski keypt smá, tíhí)

Guðna fer ótrúlega mikið fram í tali og eftir allar rannsóknirnar hjá öllum sérfræðingunum hafa þeir komist að því að það er ekkert að honum nema að hann virðist eiga erfitt með að læra 2 tungumál. Það er nú gott að vita en þjálfunin heldur áfram og hann verður altalandi áður en við vitum af.

Góða helgi gott fólk.

Jón Gauti er orðinn 7 mánaða. Vá hvað tíminn líður, öss öss. Gaman að þessu.

Takk fyrir allar kveðjurnar sem komu við síðustu færslu. Gaman að sjá hvað margir lesa og fylgjast með. Frábært að vita að ég er ekki bara að skrifa út í loftið fyrir sjálfa mig.

Allt gott að frétta héðan, nema helv#$&%$$ veðrið ætlar ekki að verða almennilegt. Ég er orðin frekar þreytt á þessum snjó og kulda. Mér finnst þetta komið gott, nú vil ég fá vorið. En það er einhver bið á því, allt orðið fannhvítt aftur.

Strákarnir eru hressir og kátir, þeir eru mikið að fá vini sína í heimsókn að leika um helgar. Það er mesta stuðið. Gummi er líka voðalega kátur í nýju vinnunni, hann er duglegur að læra einkaleyfalögin og fara á námskeið í köben. Mér finnst það reyndar ekki jafn skemmilegt þegar hann er mikið í burtu, en svona er þetta. Það er alltaf nóg að gera í skólanum hjá mér en það er skemmtilegast þegar allt er á fullu. Ég nota tímann til að læra á meðan Jón Gauti sefur miðdegislúrinn sinn. Forréttindi að fá að vera í skóla.

Góða helgi !

Þetta er nýjasta græjan á heimilinu, ísvél. Ég hef lengi gert grín af fólki sem kaupir sér alskonar óþarfa s.s græju til að bræða súkkulaði og rafmagnshníf. Ég hef verið mjög nægjusöm hingað til í græjumálum og einungis keypt mér það allra, allra nauðsynlegasta. Notaði t.d í mörg ár handhrærarann sem mamma og pabbi gáfu mér 1995, hann gaf upp öndina núna rétt fyrir jól. Blessuð sé minning hans.

En ísvélin varð skyndilega must have á heimilinu. En ég er í átaki (eins og fyrri daginn, múhahaha) og sakna þess voðaleg að mega ekki fá mér ís. Þannig að núna geri ég minn eigin ís og gúffa í mig á hverju kvöld. Minn ís er nefnilega svo hollur að maður mjókkar á að borða hann, tíhí.

En annars er það að frétta af okkur að Gummi er orðin heimsfrægur á Íslandi. Skrifaði grein í markaðinn sem er á bls 16 en það er aukablað sem kemur með fréttablaðinu. Við sjáum reyndar bara blaðið á netinu og myndin af honum virkar frekar skrítin. Vona ekki, vil ekki að neinn haldi að Gummi sé skrítinn !

En strákarnir allir eru hressir og kátir, stóru strákarnir á fullu að socialisera og í talprógramminu sínu. Þannig allt er í góðu lagi hérna hjá okkur.

Er ekki einhver sem langar að kommenta á færslurnar hjá mér, ég hangi á refresh takkanum til að sjá hvort að ég sé ekki nógu skemmtileg til að fá komment. Ég er greinilega ekkert sérlega skemmtileg, reyni samt eins og ég get. *tárlekurniðurvangaminn*

Odd Martin vinur okkar kom í heimsókn til okkar á þriðjudaginn og gisti eina nótt. Það var borðaður góður matur og mikið talað og hlegið. Enda langt síðan við hittumst síðast.

Annars er vikan búin að vera skrítin, allir búnir að vera hálf sloj eitthvað. Jón með sýkingu í augunum og allir að hósta. Nú má alveg fara að vora, þetta er komið gott.

Annars gekk mjög vel hjá strákunum á laugardaginn við sóttum þá eftir Disney þeir höfðu skemmt sér mjög vel hjá Mads. Á sunnudaginn kom svo Júlíus í heimsókn, en það er brjálað að gera í félagslífinu hjá strákunum þessa dagana. Þeim er oftast boðið saman í heimsókn og það hefur aukist eftir að þeir voru fluttir á sömu deild. En meira félagslíf eykur líka á ábyrgð foreldranna, það þarf að muna við hvern búið er að "lave aftale" með og svona. Gummi átti snilldarmove í gær þegar hann bara henti einum miðanum sem var á hólfinu hjá Einari. Foreldrarnir skiptast á að setja miða í hólfin hjá börninum, Gummi mundi náttl ekkert hvað hafði staðið á miðanum en hann minnti að það hefði verið eitthvað með Viktor. Nú,nú ég hafði takmarkaða samúð með honum, sérstaklega afþví að hann týndi 800 dkr ávísun um daginn, en ég hringdi þó í foreldra hans Viktors sem könnuðust ekki við neinn miða !!!! Þetta var alveg hallærislegt samtal, en sem betur fer er ég ekkert vandræðanleg yfir gleymsku eiginmannsins lengur. Tek því bara eins og hverju öðru hundsbiti. En anyways þá kemur Viktor í heimsókn á sunnudaginn, það verður örugglega gaman.

Hann Guðni eða Gúnní eins og hann kallar sig sjálfur er núna búin að vera í talþjálfun síðan í nóvember. Hann fer á hverjum miðvikudegi í þjálfun, fyrst með okkur Gumma en núna með leikskólakennaranum sínum honum Peter. Leikskólinn er líka búin að fá 27 klst stuðning fyrir hann á viku sem þýðir að þá tíma hefur Peter bara fyrir hann, að sjálfsögðu fer eitthvað af þessum tíma í undirbúning en lang mest af tímanum fer í Guðna og hans þjálfun.
Honum fer alveg svakalega fram, það eru ný orð nánast á hverjum degi. Algert æði ! Hann er svo duglegur og klár, furðulegt hvað "málleysið" hefur ekki háð honum hingað til. En það er gaman að fylgjast með því hvað allt fór af stað þegar hann fékk þjálfun.

Við erum eiturhress eins og fyrri daginn, strákarnir eru að fara í kvöld að borða heima hjá vini sínum honum Mads og svo ætlar þeir allir að horfa á Disney show saman. Það er voða spenna og mikil tilhlökkun.

Skólinn er alveg komin á fullt, gaman að því. Þetta verður búið áður en ég veit af. Gummi er búin að vera minna í Köben núna en undanfarið, það er gott. Meira stabilitet á heimilinu þegar hann er ekki endalaust að flækjast þetta út um allt.

Góða helgi !

Meistari Grétar og meistari Karen voru í heimsókn hjá okkur um helgina. Þau komu hingað því að Grétar var að verja mastersritgerðina sína, hann massaði 11 og við erum sannfærð um að það sé að miklu leyti okkur að þakka, múhahaha ! En það var yndislegt að fá að hafa þau og við söknum þeirra nú þegar, allt of stutt heimsókn. Vonandi koma þau og verða lengur næst. Inga og Árni komu bæði föstudags og laugardagskvöldið, við spiluðum í gærkvöldi Catan, vúhú hvað það er skemmtilegt að spila.

Jón Gauti heldur áfram að fá tennur núna eru tennurnar við hliðina á framtönnunum í efri góm að koma. Elsku karlinn er búinn að vera rosalega pirraður, en ljúfur og sætur eins og venjulega.

Einar Kári fór til Einars Baldvins frænda á föstudagskvöldið og gisti þar, en Guðni fór til Júlíusar vinar síns að leika á laugardaginn. Sniðugt fyrir þá bræður að fá að vera aðeins aðskildir en Einar er að fara að verða stjernebarn. Stjernebörn eru nefnilega börnin sem eru á stjernestuen en það er deildinn sem Guðni er á. Þeir bræður eiga s.s að vera á sömu deild á leikskólanum. Það verður spennandi að sjá hvernig það verður.

Annars erum við í kósí stuði, nýjustu Idolspólurnar voru að koma sem og áramótaskaupið, þannig að það verður tekið kósi kvöld upp í sófa með sæng og glápt á imbann.

Jón Gauti 6 mánaða. Ægilega fínn og sætur eins og venjulega. Hann er kominn með 3 tennur og sú fjórða aaaaalveg að koma. Hann var líka búinn að vera extra pirraður greyið litla.

Annars allt fínt af okkur, skólinn hjá mér er ekki byrjaður af neinu viti, furðulegt hvað allir eru alltaf lengi að koma sér í gang. Mér finnst það nú reyndar bara huggulegt, nota tækifærið og útbý súrdeigsbrauð og annað dúllerí.

Strákarnir eru hressir, ánægðir í sundinu og með gameboyinn sem þeir fengu í jólagjöf. Gummi er líka mjög hress, farinn að hjóla aftur í vinnuna eftir smá hlé, það er búið að vera svo hrikalega kalt á morgnana, burr.

Svo er von á Karen og Grétari vinum okkar. Við erum svo glöð með að þau ætla að vera hjá okkur, erum mikið að pæla í að leyfa þeim ekki að hitta aðra, múhahaha.

Aðskilnaður, ekki ríkis og kirkju sem ég gæti skrifað langan pistil um, heldur aðskilnaður okkar Jóns Gauta. Ég fór s.s frá honum í fyrsta sinn lengra en út í búð. Það fannst honum ekkert sniðugt.

Einar Baldvin var með þrettándaboð á föstudaginn, það var mikið fjör, flugeldar og allur pakkinn. Fjölskyldan hérna í Århus telur nefnilega um 10 fullorðna og 10 börn. Þannig að þetta var ágætis samkvæmi. Eftir það brunaði ég EIN í stelpupartý til Mariu en hún er að flytja til Kína, þannig að það var nú tilefni til að hittast og skála. Hinar skáluðu ég var á bíl.

Á laugardeginum fór ég nú ekki lengra en í afmæli í næsta hús, bókstaflega. Hún Camilla á nr 93 bauð mér í afmælið sitt. Ég var náttl svo hryllilega forvitin að sjá hvernig dönsk kellingaafmæli eru að ég gat ekki beðið. Þetta var mjög grand, 3ja rétta máltíð, steikur og alles. Eftir matinn voru settar nokkrar vodkaflöskur á borðið og svo byrjuðu dömurnar að hella í sig. Ég sem hélt að svona gerðu bara vestmanneyjskar stelpur ! Ég er svo gömul að ég drekk bara rauðvín, en OMG hvað þetta var fyndið, þær urðu fyllri og fyllri. Jón var reyndar svo brjálaður út í pabba sinn að ég fór snemma heim, eða þ.e.a.s áður en þær byrjuðu að æla.

Sunnudagurinn fór í Randers regnskov allra síðustu ferð. Við eigum árskort sem er að renna út, það er svo gaman að fara og fá að sjá allskonar eksotiskt dýr í návigi. Reyndar finnst strákunum mínum allt sem ekki er hundar, kettir og marsvín ansi eksótiskt þannig að það þarf s.s ekki að fara langt yfir skammt.

En s.s góður endir á góðri helgi.

Einar Kári skólastrákur, virðist eitthvað svo langt í burtu. En þó ekki, ég fór í dag og skráði hann í 6 ára bekk, börnehaveklasse heitir það. Mér fannst það skrítið að skrá litla/stóra barnið mitt í grunnskóla. Ég man sjálf eftir mínum fyrsta skóladegi. Pabbi fylgdi mér í skólann og ég man ekki betur en ég hafi skemmt mér prýðilega, ég er a.m.k enn í skóla. Í þetta sinn meira að segja að læra að verða kennari. Ég vona að strákarnir mínir eigi eftir að skemmta sér jafn vel í skóla og við foreldrarnir höfum gert hingað til.

Annars er hversdagurinn kominn í allri sinni dýrð. Það er reyndar skuggalega kalt hérna, burr burr. Við gerum reyndar bara eins og danirnir kveikjum á kertum til að hita upp kofann. Það þýðir ekkert annað, annars förum við bara á hausinn við að borga rafmagsreikninginn. Ekki viljum við það.

Gleðilegt nýtt ár

Skrítin áramót hjá okkur hérna á Flintebakken, forsaga málsins er að það er búið að vera ömurlegt veður hérna. Svona íslenskt veður með snjó og kulda, við erum eins og aðrir nískir danir á sumardekkjum þannig að við komumst t.d ekki til köben um daginn vegna færðar. Jæja anyways þá voru vinir okkar í Horsens búnir að bjóða okkur í mat á gamlárskvöld en vegna hálku á vegum þá treystum við okkur ekki.
Þannig að við sátum hérna á gamlárskvöld 5 saman, borðum góðan mat, ferskur aspas í forrétt, rostbeef í aðalrétt og triffle í eftirrétt. Gummi og strákarnir sprengdu heilan helling og það var mikið stuð á þeim. Um kl 22 lognuðstu strákarnir útaf og við hjónin sátum og horfðum á sjónvarpið fram til miðnættis. Nenntum ekki einu sinni að skála í kampavíninu sem við áttum inni í ískáp. Svona er þetta að vera með 3 lítil börn og engar aukahendur. Stundum smá skrítið en ofsa gaman.